غیر ذمہ دارانہ بیان ملک کو عدم استحکام کا شکار کرتے ہیں، فردوس عاشق اعوان

عروبہ خان

12th Nov, 2020. 08:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

غیر ذمہ دارانہ بیان ملک کو عدم استحکام کا شکار کرتے ہیں، فردوس عاشق اعوان

صوبائی وزیر اطلاعات فردوس عاشق اعوان نے کہا ہے کہ جو کھیل مریم نوازکھیل رہی ہیں اس سے باز آئیں کیونکہ غیرذمہ دارانہ بیان ملک کو عدم استحکام کا شکار کرتے ہیں ۔

تفصیلات کے مطابق پریس کانفرنس کرتے ہوئے ڈاکٹر فردوس عاشق اعوان نے کہا ہے کہ کیلبری کوئین مہر یافتہ جھوٹی ہیں۔

انہوں نے کہا ہے کہ مریم اپنے سزا یافتہ والد میاں مفرور صاحب کو واپس بلائیں اور عدالتوں میں جواب دیں کیونکہ پینتیس سال انہوں نے ملک کو لوٹا اور اس کا بیڑا غرق کردیا ہے۔

ان کا کہنا تھا کہ مریم میڈیا میں زندہ رہنے کے لیے نیا چورن بیچ رہی ہیں۔

قبل ازیں فردوس عاشق اعوان نے کہا کہ میڈیا کے محاذ پر وہ پنجاب حکومت کی معاونت کریں گی ، بلدیاتی انتخابات کے حوالے سے انھوں نے کہا کہ قانونی پیچیدگیوں کے خاتمے کے بعد صوبے میں بلدیاتی انتخابات کرائے جائیں گے۔

انہوں نے کہا کہ پنجاب میں بڑے بڑے مافیا بیٹھے ہوئے ہیں اور ان کی نیٹ ورکنگ ہے جس کی وجہ سے وہ بحران پیدا کر دیتے ہیں، جب ڈیمانڈ اور سپلائی کا وقفہ آتا ہے تو پھر بحران پیدا ہوتا ہے اسی وجہ سے چینی اور آٹے کا بحران پیدا ہوا۔