وزیر ریلوے شیخ رشید احمد کا کہنا ہے کہ میری وزارت تبدیل نہیں ہو رہی، میں یہیں ہوں اور خوش ہوں۔
تفصیلات کے مطابق وزیر ریلوے شیخ رشید احمد کا پریس کانفرنس کرتے ہوئے کہنا تھا کہ گلگت کے لوگ ذمہ داری سے ووٹ دیں گے اور پی ٹی آئی جیتے گی۔
شیخ رشید نے کہا کہ جو بھی ہارے گا وہ کہے گا کہ دھاندلی ہوئی، امریکہ میں بھی لوگ ہارنے کو تسلیم نہیں کر رہے۔ کل شام کو سنیں گے کہ گلگت میں دھاندلی ہوئی، حالانکہ ووٹوں کا فیصلہ گلگت کے عوام نے کر نا ہے۔
انہوں نے کہا کہ پی ٹی آئی کی حکومت تیسرے سال میں داخل ہو چکے ہیں۔ پی ڈی ایم نمبر بڑھا رہی ہے لیکن ان کا کوئی کردار نظر نہین آ رہا۔
وزیر ریلوے نے کہا کہ دسمبر سے فروری کے دوران آوازیں اٹھیں گی۔مسلم لیگ ن سے ش نکلے گی جو ن لیگ کے بیانئے کی نفی کرے گی۔
Advertisement
شیخ رشید کا مزید کہنا تھا کہ بھارت سی پیک معاہدہ نہیں دیکھنا چاہتا۔ عظیم فوج پاکستان کا دفاع کر رہی ہے ساری قوم خراج تحسین پیش کر رہی ہے۔
انہوں نے کہا کہ را نے پاکستان کو عدم استحکام کرنے کے لیے کام شروع کر دیا ہے۔مجھ پر تین حملے ہو چکےہیں ،پاکستان کے سیاستدان کی زندگیوں کو خطرہ ہے۔
وزیر ریلوے کا کہنا تھا کہ عمران خان بہت محنت کر رہا ہے، اسی ماہ مہنگائی کنٹرول ہو جائے گی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
