سندھ حکومت کے ترجمان مرتضی وہاب نے کہا ہے کہ کورنگی کے ترقی کے کاموں کو جاری رکھیں گے کیونکہ ہم تنقید سے گھبراتے نہیں ہیں۔

مرتضیٰ وہاب نے کہا ہے کہ گذشتہ حکومتوں میں جن لوگوں کے پاس بلدیات کا اختیار تھا انہوں نے ایک اسپتال یا سڑک نہیں بنائی اور اب ہمیں تنقید کا نشانہ بنایا جارہا ہے۔

ان کا کہنا تھا کہ وزیراعظم کہتے تھے کہ اداروں کا احترام ہونا چاہئے اور یہ بھی کہا تھا کہہ ریاست سب کے لئے ایک جیسی ہوگی لیکن آج بوزدار حکومت میں لاہور پر قبضہ مافیا کا راج ہے۔

دوسری جانب ان کا کہنا تھا کہ مرتضی وہاب کا کہنا تھا کہ سردی کی شدت میں اضافے کے ساتھ ہی کورونا کے کیسز بڑھنا شروع ہوگئے ہیں، کوورنا کیسز کی شرح ساڑھے سات فیصد تک پہنچ چکی ہے۔

ان کا کہنا تھا کہکورونا کی پہلی لہر میں احتیاط کے پیش نظر یہ شرح صرف ڈیڑھ دو فیصد تھی۔ یہ تاثر قطعا غلط ہے کہ ہمارے ہاں سے کورونا ختم ہوگیا ہے۔

انہون نے کہا کہ کورونا وائرس کی روک تھام کے لئے پہلے کی طرح احتیاط برتنا ہوگی،عوام نے کورونا سے نمٹنے کے لئے حکومت کا بھرپور ساتھ دیا اور اب ہمیں اپنے روزگار کے ساتھ ساتھ احتیاط بھی کرنا ہو گی ۔

شہری ماسک کے استعمال لازمی پر ہر صورت عملدرآمد کریں، گھر سے باہر نکلنے کی صورت میں اپنے منہ اور ناک کو ماسک یا کسی کپڑے سے ضرور ڈھانپیں اور فیزیکل فاصلے سمیت تمام ایس او پیز پر عمل کرکے کورونا سے بچا جاسکتا ہے۔