جی بی کا رزلٹ سب لوگوں کو پہلے سے معلوم تھا، مریم نواز

عروبہ خان

17th Nov, 2020. 08:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جی بی کا رزلٹ سب لوگوں کو پہلے سے معلوم تھا، مریم نواز

پاکستان مسلم لیگ ن کے نائب صدر مریم نواز نے کہا ہے کہ گلگت بلتستان کے الیکشن کا نتیجہ لوگوں کو پہلے سے ہی معلوم تھا کیونکہ واٹس ایپ کے ذریعے رزلٹ 48 گھنٹے پہلے سب کو موصول ہو گیا تھا۔

تفصیلات کے مطابق پی ڈی ایم اجلاس کے بعد میڈیا سے بات کرتے ہوئے پاکستان مسلم لیگ ن کے نائب صدر مریم نواز نے کہا ہے کہ اس سے بڑی تاریخی اور ذلت آمیز ناکامی اور کیا ہو سکتی ہے کہ دھاندلی کی جائے۔

مریم نواز نے کہا ہے کہ جی بی الیکشن میں دھاندلی میں کسی نے کوئی کسر نہیں چھوڑی ہے کیونکہ عمران خان اور ان کی جماعت کی وہاں اتنی حیثیت نہیں ہے۔

ان کا کہنا تھا کہ ان کے لوگوں نے الیکش کمیشن قوانین کی خلاف ورزی کی، قانون اور آئین کا مذاق اڑایا گیا اور پھر بھی اکثریت نہیں لے سکا۔

انہوں نے بتایا کہ گرفتاریاں ہوں یا کرونا کی آڑ میں پابندیاں لگائی جائیں یہ انکے خوف کی عکاس ہے، انہیں ہر حالت میں گھر جانا پڑے گا کیونکہ یہ حکومت نہیں چل سکتی ہے۔

مریم نواز کا کہنا تھا کہ گلگت بلتستان کے الیکشن کے نتائج کا مجھے تو بہت پہلے سے اندازہ تھا لیکن پھر بھی میں عوامی طاقت کا مظاہرہ کرنے اور دھاندلی کرنے والوں کو ایکسپوز کرنے گئی تھی۔