پاکستان نے کورونا سے نمٹنے کے لیے حفاظتی سامان افغانستان کو عطیہ کر دیئے۔

تفصیلات کے مطابق چیئرمین این ڈی ایم اے لیفٹیننٹ جنرل محمد افضل نے اپنے ایک بیان میں کہا کہ پاکستان نے کورونا سے نمٹنے کے لیے حفاظتی سامان کے 50 ہزار سیٹ افغانستان کو عطیہ کر دیئے

لیفٹیننٹ جنرل محمد افضل نے کہا کہ حفاظتی سامان میں حفاظتی سوٹس، سرجیکل گاؤن، اور جدیدد ستانے، این 95 ماسک کے علاوہ فیس ماسک اور عینکیں بھی سامان میں شامل ہے۔

چیئرمین این ڈی ایم اے لیفٹیننٹ جنرل محمد افضل نے مزید کہا کہ جوتوں کے ڈسپوزایبل کور کے ساتھ ساتھ فیس شیلڈ اور کارڈ بورڈ کے باکسز بھی افغانستان بھیجے گئے۔

یاد رہے پاکستان کے وزیراعظم عمران خان نے گزشتہ روز اپنا پہلا دورۂ افغانستان مکمل کیا جہاں انھوں نے صدر اشرف غنی سے ملاقات کی تھی۔

پاکستانی وزارت خارجہ کے مطابق وزیراعظم عمران خان افغان صدر اشرف غنی کی دعوت پر افغانستان کا دورہ کیا جہاں دوطرفہ تعلقات، افغان امن عمل، دونوں ہمسایہ ممالک کے درمیان تجارت اور دیگر باہمی دلچسپی کے امور پر بات چیت ہوئی۔

واضح رہے کہ وزیراعظم عمران خان نے افغانستان کا یہ دورہ ایک ایسے وقت میں کیا جب ایک جانب افغانستان میں امریکہ اور طالبان کے درمیان امن معاہدے ہونے کے باوجود ملک میں شدت پسندی کے واقعات میں کئی گنا اضافہ ہوا ہے۔