پنجاب میں کورونا وائرس کے مزید 609 کیسز کی تصدیق ہوئی ہے جس کے بعد صوبے بھر میں مجموعی تعداد 112,893 ہو گئی ہے۔

تفصیلات کے مطابق ترجمان پرائمری اینڈ سیکنڈری ہیلتھ کئیر سے جا ری کردہ بیان کے مطابق پنجاب میں کورونا وائرس کے مزید 609 کیسز کی تصدیق ہوئی ہے جس کے بعد صوبے بھر میں مجموعی تعداد 112,893 ہوگئی جبکہ ملک بھر میں کرونا سے متاثرہ افراد کی تعداد 370474 ہوگئی۔

ترجمان پرائمری اینڈ سیکنڈری ہیلتھ کئیرنے کہا کہ لاہور 264،راولپنڈی94،قصور3،منڈی بہاؤالدین1، لیہ5،چنیوٹ 2 ، ملتان میں 51کیسزرپورٹ ہوئے جبکہ سیالکوٹ4،سرگودھا16،جہلم 8،راجن پور3،نارووال 1، چکوال 2،جھنگ 3خانیوال 5 کیسز رپورٹ ہوئے۔

ترجمان نے یہ بھی کہا کہ فیصل آباد میں 15کیسز رپورٹ ہوئے ،خوشاب 24،بہاولپور5، بہاولنگر7، رحیم یارخان 4،ٹوبہ 8،گوجرانوالہ24 ، ڈیرہ غازی خان میں 2 کیسز سامنے آئے، بھکر7،گجرات 9،ننکانہ 2، اوکاڑہ 17،وہاڑی7، مظفرگڑھ 5،میانوالی 7 اور ساہیوال میں 4کیسز رپورٹ ہوئے۔

ترجمان پرائمری اینڈ سیکنڈری ہیلتھ کیئر کا کہنا تھا کہ اب تک 1,819,513ٹیسٹ کیے جا چکے ہیں جبکہ کورونا وائرس کو شکست دینے والوں کی تعداد97,890 ہو چکی ہے۔

ترجمان کا اپنے  بیان میں یہ بھی کہنا تھا کہ کورونا وائرس سے مزید 15ہلاکتوں کے بعد جاں بحق ہونے والوں کی تعداد2,811 ہوگئی جبکہ گزشتہ روز کی 15 ہلاکتوں کے ساتھ پرائیوٹ ہسپتالوں کا ڈیٹا آڈٹ کر کے 292 ہلاکتوں کا اندارج بھی کر دیا گیا۔

ترجمان پرائمری اینڈ سیکنڈری ہیلتھ کئیر نے مزید کہا کہ عوام سے گزارش ہے کہ حفاظتی تدابیر اختیار کرکے خود کو محفوظ بنائیں اور متاثرہ ممالک سے آئے افراد میں آئسولیشن کے دوران علامات ظاہرہوں تو1033 پر رابطہ کریں۔