وزیراطلاعات کے پی شوکت یوسفزئی نے کہا ہے کہ پی ٹی ایم کا پشاور جلسہ ناکام ترین رہا۔

تفصیلات کے مطابق پی ڈی ایم کے پشاور جلسے سے متعلق وزیراطلاعات کے پی شوکت یوسفزئی نے اپنے بیان میں کہا کہ خیبرپختونخوا حکومت نے اپوزیشن کو کھلی چھٹی دی تاکہ بڑا جلسہ کر سکے۔

وزیراطلاعات کے پی نے کہا کہ  گیارہ جماعت مل کر بھی پندرہ ہزار لوگ اکٹھے نہ کر سکی، کورونا ختم ہو پھر ہم جلسہ کریں گے تحریک انصاف بتائے گی جلسہ کسے کہتے ہیں۔

شوکت یوسفزئی نے یہ بھی کہا کہ پی ڈی ایم رہنماؤں نے عوامی مسائل کی بجائے اپنا رونا دھونا بیان کیا جبکہ مولانا فضل الرحمان  نے تقریر میں کشمیر کی باتیں کرکے کشمیریوں کے زخموں پر نمک پاشی کی۔

وزیراطلاعات کے پی کا کہنا تھا کہ مولانا فضل الرحمن کشمیر کمیٹی کے چیئرمین تھے مگر کبھی کشمیریوں کیلۓ آواز نہیں اٹھائی۔

شوکت یوسفزئی کا یہ بھی کہنا تھا کہ پی ڈی ایم کی پوری لیڈر شپ اچھی ایکسپوز ہوگئی جنکہ کرپشن کے بادشاہ آصف علی زرداری کے صاحبزادے نے بھی کرپشن کے خلاف بھاشن دیئے۔

وزیراطلاعات کے پی شوکت یوسفزئی کا مزید کہنا تھا کہ پرانی گھسی پٹی باتوں میں صرف ٹارگٹ عمران خان کو کیا گیا جبکہ وزیراعظم عمران خان اور وزیر اعلی محمود خان کا شکریہ جنہوں نے پی ڈی ایم کو جلسہ کرنے دیا۔