کورونا کے بڑھتے ہوئے کیسز کی پیش نظر دکانوں کے لئے نئے اوقات کار مقرر کرنے کا فیصلہ کیا گیا ہے۔

تفصیلات کے مطابق پنجاب حکومت کی جانب سے دکانیں شام 6 بجے بند کرنے کا یہ فیصلہ کورونا کے ایس او پیز  پر عمل نہ ہونے کے باعث کیا گیا ہے۔

دوسری جانب لاہور چیمبر آف کامرس کی جانب سے دکانیں شام 6 بجے بند کرنے کے حکومتی فیصلے کی مخالفت کی گئی ہے۔

اس ضمن میں لاہور چیمبر کے صدر طارق مصباح کا کہنا ہے کہ دکانیں 6 بجے بند کرنے کے فیصلے سے مارکیٹوں میں رش بڑھے گا اس لئے وقت کم نہ کیا جائے۔

ان کی جانب سے اپنے بیان کے ذریعے یقین دہانی کرائی گئی ہے کہ تاجر کورونا ایس او پیز پر 100 فیصد عمل کریں گے۔

علاوہ ازیں صوبائی وزیر تعلیم مراد راس نے کہا ہے کہ اسکولوں کو اس ہفتے کے دوران 10 جنوری 2021 تک کے لئے بند کر دیا جائے گا۔

صوبائی وزیر نے کہا ہے کہ تجویز دی ہے کہ سکولوں کو بند کرنے کے نوٹیفیکیشن میں یہ واضح ہونا چاہیے کہ طلبا کو مالز، پبلک پارکس، مارکیٹوں و دیگر عوامی تقاریب میں شرکت کی اجازت قطعاً نہیں ہو گی۔

ان کا کہنا تھا کہ یہ بلکل مناسب نہیں ہے کہ طلبا کو سکول سے چھٹیاں ہوں وہ عوامی مقامات پر گھومنے پھرنے چلے جائیں کیونکہ یہ چھٹیاں مخض طلبا و اساتذہ کی خفاظت کے لئے دی جا رہیں ہیں۔

مراد راس کا کہنا تھا کہ سکولوں میں 50 فیصد اساتذہ ایک دن آئیں گے جبکہ باقی کے 50 فیصد ہفتے کے دوسرے دن آئیں گے۔