سابق نیول چیف ایڈمرل ریٹائرڈ فصیح بخاری فوجی اعزاز کے ساتھ سپرد خاک

وریشہ مسعود

25th Nov, 2020. 09:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سابق نیول چیف ایڈمرل ریٹائرڈ فصیح بخاری فوجی اعزاز کے ساتھ سپرد خاک

سابق نیول چیف ایڈمرل ریٹائرڈ فصیح بخاری کو فوجی اعزاز کے ساتھ سپرد خاک کر دیا گیا۔

تفصیلات کے مطابق ترجمان پاک بحریہ نے اپنے بیان میں کہا کہ پاک بحریہ کے سابق سربراہ ایڈمرل فصیح بخاری کو اسلام آباد میں فوجی اعزاز کے ساتھ سپرد خاک کر دیا گیا۔

ترجمان پاک بحریہ نے کہا کہ تدفین میں چیف آف دی نیول اسٹاف ایڈمرل محمد امجد خان نیازی جبکہ پاک بحریہ کے سابقہ سربراہان سمیت مسلح افواج کے سینئر ریٹائرڈ اور حاضر سروس افسران کی بڑی تعداد نے شرکت کی۔

ترجمان پاک بحریہ نے یہ بھی کہا کہ پوری قوم بالخصوص پاک بحریہ ایڈمرل فصیح بخاری کی خدمات کو خراج تحسین پیش کرتی ہے۔

ترجمان پاک بحریہ نے مزید کہا کہ صدر، وزیر اعظم، چیئرمین جوائنٹ چیفس آف اسٹاف کمیٹی، سربراہ پاک بحریہ اور دیگر اداروں کی جانب سے ایڈمرل فصیح بخاری کی قبر پر پھولوں کی چادریں بھی چڑھائی گئیں۔

یاد رہے گزشتہ روز سابق نیول چیف ایڈمرل ریٹائرڈ فصیح بخاری انتقال کرگئے تھے، وہ کچھ عرصے سے علیل تھے۔

ایڈمرل فصیح بخاری نے 1962 میں پاک بحریہ میں کمیشن حاصل کیا۔ وہ 1997 سے 1999 تک پاک بحریہ کے سربراہ رہے۔