تفصیلات کے مطابق پاکستان اور ترکی کی دو ڈرامہ و فلمساز پروڈکشن کمپنیوں کے درمیان مشترکہ طور پر کام کرنے کا معاہدہ طے پاگیا۔

پاکستان کے اداکار عدنان صدیقی نے پروڈیوسر کاشف انصاری کی ایک ویڈیو انسٹاگرام پر شیئر کی ہے۔

مزید پڑھیں

اداکارعدنان صدیقی کی’ارطغرل غازی‘ کے مقبرے پر حاضری

پاکستان کے نامور اداکارعدنان صدیقی نے سلطنت عثمانیہ کی بنیاد رکھنے والے...

عدنان صدیقی کی جانے سے پوسٹ کی جانے والی ویڈیو میں دیکھا جا سکتا ہے کہ ترکی کے شہر استبول میں وہاں کی پروڈکشن کمپنی تکدن فلمز کے چیف ایگزیکٹو افسر (سی ای او) کمال تکدن کے ساتھ میڈیا سے بات کر رہے ہیں۔

ویڈیو میں اس حوالے سے پروڈیوسر کاشف انصاری نے بتایا کہ پاکستان کے انصاری فلمز اور ترکی کے تکدن فلمز پروڈکشن ہاؤسز کے درمیان مشترکہ منصوبے پر کام کرنے کا معاہدہ طے پا گیا۔

خیال کیا جا رہا ہے کہ ممکنہ طور پر دونوں پروڈکشن ہاؤسز مشترکہ طور پر ایسی فلم یا ڈرامہ بنائیں گے جن میں دونوں ممالک کے اداکاروں کو کاسٹ کیا جائے گا۔

ویڈیو میں کاشف انصاری کے علاوہ ترک پروڈکشن کمپنی کے سی ای او کمال تکدن نے بھی ترک زبان میں بتایا کہ دونوں ممالک کے پروڈکشن ہاؤسز کے درمیان مشترکہ منصوبوں پر کام کرنے کا معاہدہ طے پاگیا۔

یاد رہے کہ انصاری فلمز کے کاشف انصاری نے بتایا کہ مذکورہ معاہدے اور منصوبے میں اور بھی شخصیات شامل ہیں۔

تاہم انہوں نے بتایا کہ اداکار عدنان صدیقی اور ہمایوں سعید بھی مذکورہ مشترکہ منصوبے کا حصہ ہیں۔

واضح رہے کہ انہوں نے یہ واضح نہیں کیا کہ دونوں اداکار کس طرح منصوبے کا حصہ ہیں اور ان کا کردار کیا ہوگا؟ تاہم اس حوالے سے کچھ بھی تصدیق طور پر نہیں کہا جاسکتا۔