سابق وزیراعظم میر ظفراللہ خان جمالی کو آبائی قبرستان میں سپرد خاک کردیا گیا۔

سابق وزیراعظم میر ظفراللہ خان جمالی کو انکے آبائی جعفرآباد کےعلاقے روجھان جمالی میں سپردخاک کر دیا جائے گا۔

تفصیلات کے مطابق سابق وزیراعظم الحاج میر ظفراللہ خان جمالی کو مکمل سرکاری اعزاز کے ساتھ اپنے آبائی قبرستان میں سپرد خاک کردیا گیا۔

 تدفین کے  موقع پر صوبائی وزراء علاقائی عمائدین،معززین معتبرین،اور دیگر افراد شریک ہوئے۔

یاد رہے اس سے قبل سابق وزیراعظم الحاج میر ظفراللہ خان جمالی کی نمازجنازہ انکے آبائی علاقے روجھان جمالی میں ادا کردی گئی تھی۔

سابق وزیر اعظم الحاج میر ظفراللہ خان جمالی کو پولیس کے چاک چوبند دستہ نے سلامی پیش کی اور سابق وزیراعظم کی نماز جنازہ میں سیاسی سماجی شخصیات سمیت علاقے کے معززین نے کثیر تعداد میں شرکت کی تھی۔

واضح رہے کہ گزشتہ روز سابق وزیراعظم ظفراللہ جمالی کو دل کا دورہ پڑنے پر نجی اسپتال کے آئی سی یو میں منتقل کیا گیا تھا جہاں وہ انتقال کرگئے۔

پاکستان کے سابق وزیر اعظم میر ظفر اللہ خان جمالی یکم جنوری 1944ء کو بلوچستان کے ضلع نصیرآباد کے گائوں روجھان جمالی میں پیدا ہوئے ۔

ابتدائی تعلیم روجھان جمالی میں ہی حاصل کی بعد ازاں سینٹ لارنس کالج گھوڑا گلی مری، ایچیسن کالج لاہور اور 1965ء میں گورنمنٹ کالج لاہور سے تاریخ میں ماسٹرز کی ڈگری حاصل کی۔

میر ظفر اللہ جمالی سابق صدر پرویز مشرف کے دور حکومت میں وزیراعظم پاکستان منتخب ہوئے تھے، وہ 2002ء سے 2004ء تک اس عہدے پر رہے۔ انہوں نے تقریباً 55 برس قبل سیاسی کیرئیر کا آغاز تھا، وہ پاکستان ہاکی فیڈریشن کے صدر بھی رہ چکے ہیں۔