روس سے تعلق رکھنے والے ایک یوٹیوبر پر لائیو اسٹریم کے دوران گرل فرینڈ کو ہلاک کرنے کا الزام عائد کر دیا گیا۔

غیر ملکی خبر رساں ادارے کے مطابق روس سے تعلق رکھنے والے ایک یوٹیوبر پر الزام لگایا گیا ہے کہ اس نے اپنی گرل فرینڈ کو ایک لائیو اسٹریم کے دوران شدید سردی میں گھر سے باہر نکال کر دروازہ بند کردیا، جس سے وہ ہلاک ہوگئی۔

مزید پڑھیں

فیس بک میں لائیواسٹریمنگ فیچرزمتعارف

کوروناوائرس کے پیش ِنظرلاک ڈاؤن  کی وجہ سےدنیابھرکی بڑی آبادی گھروں میں...

ذرائع کے مطابق 30 سالہ اسٹاس ریفلے نے اپنی گرل فرینڈ کو منجمد کردینے والے موسم کے دوران گھر سے زبردستی نکال دیا تھا جس دوران اس کے جسم پر لباس بھی نہ ہونے کے برابر تھا۔

لائیو اسٹریم کو اس وقت بھی جاری رکھا گیا جب اسٹاس کو احساس ہوا کہ گرل فرینڈ مبینہ طور ہایپو تھرمیا کے نتیجے میں ہلاک ہوچکی ہے۔

رپورٹس کے مطابق پھر وہ اس خاتون کو گھر میں واپس لے کر گیا اور اس دوران بھی ویڈیو بنانے کا سلسلہ جاری رہا۔

دوسری جانب اس لائیو اسٹریم کے علاوہ اسٹاس ریفلے اور اس کی گرل فرینڈ ویلنٹینا گریگوریوا کی دیگر ویڈیوز مسلسل یوٹیوب پر لوٖڈ ہورہی ہیں۔

رپورٹس کے مطابق لائیو اسٹریم کے دوران یہ یوٹیوبر یہ کہتا رہا ‘میرے بنی، تمہارے ساتھ کیا ہوا، لوگوں نبض نہیں ل رہی، وہ زرد پڑگئئی ہے، اس کی سانس نہیں چل رہی’۔

تاہم یوٹیوب پر اس حوالے سے متعدد ویڈیو کلپس اپ لوڈ ہوئے جن کو لاکھوں بار دیکھا جاچکا ہے۔

خیال رہے کہ روس کے تحقیقاتی ادارے نے میڈیا کو بتایا کہ اس خاتون کی موت کی تحقیقات جاری ہے

یوٹیوب کے نمائندے نے اس حوالے سے بتایا کہ لائیو اسٹریم کا علم ہونے کے بعد اسٹاس ریفلے کے چینیل کو پلیٹ فارم سے ہٹادیا گیا ہے

رپورٹ میں بتایا گیا کہ اس لائیو اسٹریم کے دوران ایک ویور نے اسٹاس کو ایک ہزار ڈالر بھی ادا کیے۔

واضح رہے کہ دی مررر کے مطابق یوٹیوبر کو گرفتار کیا جاچکا ہے۔