پاکستان شوبز انڈسٹری کی اداکارہ ماورہ نے بتا دیا کہ انہوں نے آخر کیوں ملک چھوڑنے کا فیصلا لیا۔

اداکارہ نے انکشاف کیا کہ وہ سوشل میڈیا پر ہونے والی تنقید سے اتنی تنگ آگئی تھیں کہ انہوں  نے سوشل میڈیا اکاؤنٹس بند کرکے اور اداکاری چھوڑ کر باہر ملک جانے کا فیصلہ کرلیا تھا اور سڈنی چلی گئی تھیں۔

مزید پڑھیں

ماورہ حسین کو پہلی نظر میں کس سے پیار ہو گیا؟

پاکستان شوبز انڈسٹری کی خوبصورت ترین اداکارہ ماورہ حسین نے بتا دیا...

ماورہ کا حال ہی میں میرا سیٹھی کو دیے گئے انٹرویو کا ایک کِلپ وائرل ہورہا ہے جس میں انہوں نے اعتراف کیا کہ وہ ابتدا میں کس طرح سوشل میڈیا پر ہونے والی تنقید سے تنگ آ کر ڈپریشن میں چلی گئی تھیں۔

یاد رہے کہ اداکارہ ماورہ نے پاکستان سمیت بھارت میں اپنی جاندار اداکاری کا لوہا منوایا ہے۔

اس حوالے سے ماورہ حسین  کا کہنا تھا کہ آج کل سوشل میڈیا ہماری زندگیوں میں شامل ہوگیا ہے۔

انہوں نے مزید کہا کہ لیکن سوشل میڈیا اکیلا کچھ نہیں ہے بلکہ اگر میں آج کام کرنا چھوڑ دوں تو میرے سوشل میڈیا اکاؤنٹ کا کوئی مطلب نہیں ہے۔

دوسری جانب انسٹاگرام پر 61 لاکھ سے زائد فالوورز رکھنے والی اداکارہ ماورہ حسین نے کہا کہ تقریباً 10 سال تک سوشل میڈیا استعمال کرنے کے بعد مجھے احساس ہوا ہے کہ زندگی سوشل میڈیا پر ختم نہیں ہوجاتی۔

ماورہ نے کہا کہ مجھے آج سے 5 سال پہلے اس بات کا احساس ہوا کہ آپ کے منہ سے نکلی ہوئی کوئی غلط بات، غلط نہیں ہوتی بلکہ گناہ ہے۔

انہوں نے مزید کہا کہ سوشل میڈیا پر رہتے ہوئے آپ غلطی نہیں کرسکتے کیونکہ آپ کی یہی بات پکڑ کر آپ کو شدید تنقید کا نشانہ بنایاجاتا ہے۔

واضح رہے کہ ماورہ حسین نے سوشل میڈیا پر تنقید کے حوالے سے بات کرتے ہوئے کہا کہ اب انہیں یہ سب ہینڈل کرنا آگیا ہے لیکن شروع میں تنقید سننا بہت مشکل تھا ۔