وزیرِ اعظم عمران خان سے وزیرِاعلیٰ خیبر پختونخوا محمود خان کی ملاقات ہوئی۔

تفصیلات کے مطابق وزیرِ اعظم عمران خان کی وزیرِ اعلی خیبر پختونخوا محمود خان سے ہونے والی ملاقات میں میں صوبے میں کورونا کی صورتحال پر بھی گفتگو کی گئی۔

ملاقات میں صوبے کی سیاسی صورتحال اور قبائلی اضلاع کی ترقی پر تفصیلی گفتگو کی گئی جبکہ وزیراعلیٰ خیبرپختونخوا نے وزرا کی کارکردگی کے حوالے  سے بھی وزیراعظم کو آگاہ کیا۔

واضح رہے اس سے قبل بھی وزیرِ اعظم عمران خان کی زیرِ صدارت حکومتی معاشی ٹیم کا اجلاس ہوا جس میں وزیرِ اعظم کو ملک کی بہتر ہوتی  ہوئی معاشی صورتحال پر تفصیلی بریفنگ دی گئی۔

   بریفنگ میں یہ بھی کہا گیا کہ خاص طور پر بڑے پیمانے کی صنعت، آٹو انڈسٹری اور فرٹیلائیزر انڈسٹری کی پیداوار میں خاطر خواہ اضافہ ہوا ہے۔

 وزیراعظم کو بریفنگ کے دوران مزید کہا گیا کہ پوری دنیا سمارٹ لاک ڈاؤن کی پذیرائی کر رہی ہے جبکہ سمارٹ لاک ڈاؤن پالیسی کی بدولت کرونا وباء کی پہلی لہر میں پاکستان کو باقی دنیا کی نسبت کم نقصان کا سامنا رہا۔

وزیرِ اعظم عمران خان نے اجلاس کی صدارت کرتے ہوئے کہا تھا کہ معاشی استحکام کے ثمرات کو جلد عام آدمی تک پہچانے کیلئے ترجیحی بنیادوں پر اقدامات اٹھائے جائیں۔