فیفا نے سال کے بہترین فٹبالر کے ایوارڈ کے لئے نام شارٹ لسٹ کرلئےگئے ، ورجل وین ڈیک ، لائنل میسی اور کرسٹیانو رونالڈو کے درمیان بہترین فٹبالر کے ایوارڈ کے لئے سخت مقابلہ ہے۔

تفصیلات کے مطابق یورپ کے بہترین فٹبالر کے ایوارڈ کے لئے فیفا نے تین نام  لیورپول کے ورجل وین ڈیک ،ارجنٹائن کے لائنل میسی اور پرتگال کے کرسٹیانو رونالڈو شارٹ لسٹ ہوئے ہیں۔

وین ڈیک نے لیورپول کو چیمپئینز لیگ جتوانے میں اہم کردار ادا کیا جبکہ پریمئیر لیگ میں بھی عمدہ کارکردگی دکھائی۔

رونالڈو نے یووینٹس کی جانب سے ڈیبیو سیزن میں اپنی ٹیم کو اٹالین لیگ اور پرتگال کو یوئیفا نیشنز لیگ کا ٹائٹل دلوایا۔

ارجنٹائن سے تعلق رکھنے والے میسی نے بارسلونا کی جانب سے دسویں بار لالیگا ٹرافی اٹھائی۔

واضح رہے کہ فیفا ایوارڈز 2018ء میں سال کے بہترین گول کا ایوارڈ مصر کے محمد صلاح کے نام ہو گیا تھا ۔ انگلش پریمیئر لیگ میں ایورٹن کے خلاف کیے جانے والے ان کے گول کو بہترین قرار دیا گیا تھا۔

سال کے بہترین کوچ کا ایوارڈ فرانس کے ڈی ڈی ایئر ڈیشامپ کے نام رہا۔ ان کی کوچنگ میں فرانس نے اس سال فٹبال ورلڈکپ کا ٹائٹل بھی حاصل کیا جبکہ ویمنز بیسٹ کوچ آف دی ایئر کا ایوارڈ فرانس کے اینیلڈ پیڈروس کے نام رہا تھا۔

فیفا بیسٹ گول کیپر آف دی ایئر کا ایوارڈ بیلجیئم کے تھیباؤ کورٹس نے جیتا جبکہ بہترین فیفا فین کا ایوارڈ پیرو کے شہری کو ملا تھا۔