اسپیکر قومی اسمبلی اسد قیصر کا کہنا ہے کہ  سانحہ آرمی پبلک اسکول آج بھی ہمارے دل میں روز اول کی طرح تازہ ہے۔

سانحہ آرمی پبلک اسکول پشاورکی چھٹی برسی کےموقع پراسپیکر قومی اسمبلی اسد قیصرنے شہید ہونے والے بچوں کوخراج تحسین پیش کرتے ہوے کہاکہ 16دسمبر کے دن کو پاکستان کی تاریخ میں سیاہ ترین دن کے طور پر یاد رکھا جائے گا۔

اسد قیصر نے کہا کہ سانحہ آرمی پبلک اسکول آج بھی ہمارے دل میں روز اول کی طرح تازہ ہے۔

سانحہ آرمی پبلک اسکول پشاور کی چھٹی برسی شہید بچوں اور اساتذہ کو خراج تحسین پیش کرتا ہوں۔16 دسمبر کا دن پاکستان کی تاریخ کا سیاہ ترین دن تھا۔وہ سانحہ آج بھی ہمیں ان ننھے پھول جیسے بچوں کی یاد دلاتی ہیں۔ہم سانحہ #APS میں شہید ہونے والے بچوں کے خون کو کبھی رائیگاں نہیں جانے دینگے۔ pic.twitter.com/CBmifgpUsK

Advertisement

— Asad Qaiser (@AsadQaiserPTI) December 16, 2020

انہوں نے کہا کہ یہ وہ موقع تھا جب پوری قوم دہشتگردی کہ خلاف متحد ہوگئی اور ہماری مسلح افواج نے پوری قوم کی مدد سے دہشتگردی کا قلع قمع کرنے کا اعادہ کیا جس کے نتیجہ میں آج ملک سے کافی حد تک دہشتگردی کا خاتمہ ہو چکا ہے۔

اسپیکر قومی اسمبلی نے اس عزم کا اظہار کیا کہ سانحہ آرمی پبلک اسکول میں شہید ہونے والے بچوں کے خون کو کبھی رائیگاں نہیں جانے دیں گےاور آخری دہشتگرد کے خاتمے تک جنگ جاری رکھی جائے گی۔

اسد قیصر نے مزید کہا کہ  ملک کو ترقی کی راہ پر گامزن کرنے کے لیے سب کو مشترکہ کوششیں کرنا ہوں گی۔