اشتعال انگیز تقریر کرنے پر علی وزیر گرفتار

ویب ڈیسک

17th Dec, 2020. 12:25 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اشتعال انگیز تقریر کرنے پر علی وزیر گرفتار

کراچی میں اشتعال انگیز تقریر کرنے پر رکن قومی اسمبلی علی وزیر پشاور سے گرفتار کرلئے گئے ہیں۔

تفصیلات کے مطابق کراچی پولیس کی صوبہ خیبر پختونخواء میں کارروائی کے نتیجے میں رکن قومی اسمبلی علی وزیر کو گرفتار کرلیا گیا ہے۔

سی سی پی او پشاور کے مطابق قانونی تقاضے پورے کر کے ایم این اے علی وزیر کو سندھ پولیس کے حوالے کیا جائے گا۔

محکمہ داخلہ سندھ نے محکمہ داخلہ خیبرپختونخوا کو درخواست دی تھی، ایم این اےعلی وزیر کی گرفتاری 54 سی آر پی سی کے تحت کی گئی علی وزیر کے خلاف کراچی میں مقدمہ بھی درج ہے۔

مقدمہ 6 دسمبر کو الاصف اسکوائر کے قریب بغیر اجازت جلسہ کرنے پر درج کیا گیا تھا جبکہ مقدمے میں رکن قومی اسمبلی علی وزیر اور 13 ساتھی ملزم نامزد ہیں۔

اس ضمن میں پولیس ذرائع کا کہنا ہے کہ محکمہ داخلہ سندھ کی منظوری کے بعد مقدمے میں مزید دفعات شامل کی گئیں ہیں جبکہ مقدمے میں ملک سے بغاوت اور غداری کی دفعات بھی شامل ہیں۔