پی ڈی ایم کا واحد مقصد مالی کرپشن کو بچانا ہے، فیاض الحسن چوہان

وریشہ مسعود

18th Dec, 2020. 06:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ڈی ایم کا واحد مقصد مالی کرپشن کو بچانا ہے، فیاض الحسن چوہان

وزیر کالونیز و جیل خانہ جات پنجاب فیاض الحسن چوہان نے کہا ہے کہ پی ڈی ایم کا واحد مقصد اپنی سیاسی اور مالی کرپشن کو بچانا ہے۔

تفصیلات کے مطابق وزیر کالونیز و جیل خانہ جات پنجاب فیاض الحسن چوہان نے موجودہ ملکی سیاسی صورتحال پر تبصرہ کرتے ہوئے کہا ہے کہ وزیراعظم عمران خان کی قیادت میں پاکستان ترقی کی راہ پر گامزن ہے۔

فیاض الحسن چوہان نے کہا کہ پاکستان کی ترقی کی راہ میں سب سے بڑی رکاوٹ گزشتہ جماعتوں کی کرپشن، منی لانڈرنگ اور اقربا پروری رہی۔

وزیر کالونیز و جیل خانہ جات پنجاب نے یہ بھی کہا کہ پاکستان تحریک انصاف کی حکومت نے پہلی دفعہ کرپشن کا گلا دبانے کے منشور پر باقاعدہ کام شروع کیا۔

پاکستان ڈیموکریٹک موومنٹ کے حوالے سے بات کرتے ہوئے فیاض الحسن چوہان نے کہا مکس اچار پارٹی پی ڈی ایم کا واحد مقصد اپنی سیاسی اور مالی کرپشن کو بچانا ہے لیکن بہت جلد ان کی عوام کو بےوقوف بنانے کی ڈرامے بازی اپنے انجام کو پہنچ جائے گی۔

وزیر کالونیز و جیل خانہ جات پنجاب فیاض الحسن چوہان نے مزید کہا کہ انہوں نے کہا سب جان چکے ہیں کہ سلیکٹڈ اور ریجیکٹڈ کون ہیں۔