4 روز کیلئے سی این جی اسٹیشن بند کرنے کا حکم جاری

وریشہ مسعود

20th Dec, 2020. 06:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

4 روز کیلئے سی این جی اسٹیشن بند کرنے کا حکم جاری

گیس کمپنیوں نے 19 سے 23 دسمبر تک چار دنوں کیلئے سی این جی اسٹیشن بند کرنے کا حکم جاری کیا ہے۔

تفصیلات کے مطابق سی این جی اے کی سنٹرل ایگزیکٹو کمیٹی کا زوم پر ہنگامی اجلاس ہوا جس میں سنٹرل چیئرمین خالد لطیف، غیاث پراچہ اور دیگر عہدیداروں نے شرکت کی۔

اجلاس میں غیاث پراچہ نے گیس بندش کو بلا جواز قرار دیا۔

غیاث پراچہ نے کہا کہ جو سیکٹر پورے ریٹ پر گیس لیتا ہے اس کو بند کیا جارہا ہے اور جو رعایتی گیس لیتے ہیں ان کو سپلائی دی جارہی ہے، یہ کیسی دانشمندی ہے، سی این جی سیکٹر پر ظلم نہ کیا جائے۔

غیاث پراچہ نے یہ بھی کہا کہ گذشتہ سال کی بنسبت اس سال گیس کی سپلائی میں اضافہ ہوا ہے جبکہ سی این جی کی بندش سے فضائی آلودگی میں اضافہ ہوگا اور لاکھوں لوگ بیروزگار ہو جائیں گے۔

غیاث پراچہ نے مایز کہا کہ ہمارا پیٹرولیم منسٹر عمر ایوب اور مشیر پٹرولیم ندیم بابر صاحبان سے مطالبہ ہے کہ اس بحران کے ذمہ داروں اور اس بحران کو دور کرنے میں رکاوٹ بننے والوں کے خلاف ایکشن جائے اور سی این جی سیکٹر کے ساتھ ظلم بند کیا جائے۔