حسن علی قومی ٹیم میں کم بیک کیلئے پر تولنے لگے

زاہد فاروق ملک

02nd Jan, 2021. 10:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حسن علی قومی ٹیم میں کم بیک کیلئے پر تولنے لگے

قائداعظم ٹرافی میں شاندار کارکردگی دکھانے والے حسن علی قومی ٹیم میں کم بیک کیلئے پر تولنے لگے۔

پاکستان کرکٹ ٹیم کے فاسٹ باؤلر حسن علی قومی ٹیم میں واپسی کیلئے بے تاب ہیں جن کا کہنا ہے کہ قائداعظم ٹرافی میں فارم اور فٹنس ثابت کرنے کا موقع مل گیا اور اپنی اسی محنت کو جاری رکھتے ہوئے قومی ٹیم میں کم بیک کی کوشش کروں گا۔

نجی خبر رساں ادارے سے گفتگو کرتے ہوئے حسن علی نے کہا کہ انجریز کا طویل سلسلہ ہونے کے بعد قومی ٹیم میں واپسی کیلئے فٹنس اور فارم ثابت کرنے کی سخت ضرورت تھی، قائد اعظم ٹرافی میں سینٹرل پنجاب کی قیادت کرتے ہوئے یہ موقع حاصل ہوگیا جبکہ بطور کپتان ذمہ داری اٹھانے کا بھی فائدہ ہوا۔

انہوں نے کہا کہ دیگر کھلاڑیوں کو اعتماد دیا اور اس طرح فائنل تک رسائی حاصل کر لی۔

حسن علی کا کہنا تھا کہ میں قومی ٹیم کا مستقل ممبر رہا ہوں، ساتھی کھلاڑیوں کو ایکشن میں دیکھ کر دل چاہتا تھا کہ میں بھی واپس آؤں، میری آنکھوں سے آنسو بھی نکل جاتے تھے، بہرحال انجریز کھیل کا حصہ ہیں اور میرے ہاتھ میں محنت ہے، جس کو جاری رکھتے ہوئے کم بیک کی کوشش کروں گا۔