ایل او سی پر بھارتی فورسز کی فائرنگ، دو معمر افراد زخمی

وریشہ مسعود

10th Jan, 2021. 07:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایل او سی پر بھارتی فورسز کی فائرنگ، دو معمر افراد زخمی

بھارتی فوج کی لائن آف کنٹرول ( ایل او سی) پر سیز فائر کی خلاف ورزیوں کا سلسلہ بدستور جاری ہے۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق بھارتی فورسز نے سیز فائر کی خلاف ورزی کرتے ہوئے لائن آف کنٹرول کے بروہ اور خنجر سیکٹرز میں بلا اشتعال فائرنگ کی اور جان بوجھ کر سویلین آبادی کو نشانہ بنایا۔

ترجمان پاک فوج کے مطابق بھارتی فوج نے مارٹرز اور آٹومیٹک گنز کا۔استعمال کیا۔

آئی ایس پی آر کا کہنا ہے کہ بھارتی فائرنگ سے ایک ہی خاندان کے دو معمر افراد زخمی ہوئے جنہیں طبی امداد کے لیئے قریبی مرکز صحت منتقل کیا گیا۔

آئی ایس پی آر کا مزید کہنا ہے کہ یہ سال 2021 کے پہلے زخمی ہیں جو بھارتی جارحیت کا نشانہ بنے، یکم جنوری سے بھارتی فوج جنگ بندی کی 38 خلاف ورزیاں کر چکی ہے۔