وزیر اعلیٰ سندھ مراد علی شاہ کا کہنا ہے کہ پیپلزپارٹی شہید ذوالفقار علی بھٹو کے وژن پر کام کررہی ہیں۔
تفصیلات کے مطابق پاکستان پیپلزپارٹی کے چیئرمین بلاول بھٹو زرداری نے سکھر میں نیو لیبر سٹی کا افتتاح کیا۔
افتتاحی تقریب سے خطاب کرتے ہوئے وزیر اعلیٰ سندھ مراد علی شاہ کا کہنا تھا کہ ہم نے لوگوں کو چھت فراہم کرنے کے لیے ذوالفقار علی بھٹو کے وژن پر کام کیا۔
مراد علی شاہ نے کہا کہ 18 ویں ترمیم میں ہماری ہی حکومت نے صوبوں کو اختیار دیا۔ سندھ حکومت کو کام نہیں کرنے دیا جارہا ہے، وفاقی حکومت مختلف معاملات میں رخنے اٹکا رہی ہے۔
انہوں نے مزید کہا کہ صوبہ سندھ نے 16 قوانین لیبر کے حوالے سے بنائے ہیں۔ سندھ حکومت نے سب سے پہلے ورکرز ویلفیئر فنڈز کلیکشن شروع کیا۔
وزیراعلیٰ سندھ نے کہا کہ این آئی سی وی ڈی ورکرز ویلفیئر بورڈ کے تحت بنایا گیا۔ پاکستان بھر میں این آئی سی وی ڈی سکھر نمایاں ہے۔
مراد علی شاہ نے کہا کہ موجودہ وفاقی حکومت لوگوں کے سر سے چھت چھین رہی ہے۔ مہنگائی کا طوفان برپا کیا ہوا ہے۔ وفاقی حکومت بے حس ہے ایسی بے حسی پہلے کبھی نہیں دیکھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News