بالی ووڈ اداکارہ عالیہ بھٹ شوٹنگ کے دوران طبعیت خراب ہونے پراسپتال منتقل کردیا گیا۔

تفصیلات کے مطابق  اداکارہ عالیہ بھٹ فلم ’’گنگو بائی کاٹھیاواڑی‘‘ کی شوٹنگ میں مصروف تھیں۔

مزید پڑھیں

بالی ووڈ اداکارہ تمنا بھاٹیا بھی عالمی وبا میں مبتلا

بھارتی اداکارہ تمنا بھاٹیا میں کورونا وائرس کی تشخیص ہوئی ہے جس...

تاہم دو روز قبل اچانک عالیہ بھٹ کی شوٹنگ کے دوران طبعیت خراب ہوگئی جس کی وجہ سے انہیں اسپتال منتقل کردیا گیا۔

اداکارہ کی شوٹنگ کے دوران لگاتار کام کرنے کی وجہ سے ہونے والی تھکن کے باعث طبیعت خراب ہوئی تھی۔

عالیہ بھٹ کی طبیعت کےحوالے سے ساتھی اداکارہ سیما پاہوا  سے جب عالیہ کی طبعیت خراب ہونے سے متعلق پوچھا گیا تو انہوں نے کہا جس دن عالیہ بھٹ کی طبعیت خراب ہوئی میں اس وقت شوٹ نہیں کررہی تھی۔

تاہم مجھے ایسا لگتا ہے کہ عالیہ بھٹ شوٹنگ کرنے کی وجہ سے نہیں بلکہ کسی اور وجہ سے تھکن کا شکار ہوئی تھیں۔

انہوں نے کہا کہ سنجے لیلا بھنسالی وہ شخص نہیں ہیں جو کام میں جلد بازی  کرتے ہیں وہ جانتے ہیں کہ اداکاروں سے کب اور کس طرح کام لینا ہے۔

دوسری جانب بھارتی میڈیا کے مطابق عالیہ بھٹ کی تیزابیت اور متلی کے باعث طبیعت خراب ہوئی تھی۔

تاہم ان کی اسی دن طبعیت سنبھل گئی تھی اور انہیں اسپتال سے ڈسچارج کرکے گھر منتقل کردیا گیا تھا۔

واضح رہے کہ عالیہ بھٹ اس واقعے کے اگلے ہی دن فلم کی شوٹنگ کے لیے سیٹ پر موجود تھیں۔