معروف  بھارتی اداکارہ نے بھارت کی فضائی کمپنی ’ایئرانڈیا‘ کے پائلٹ پر جنسی زیادتی اور دھوکہ دہی کا الزام عائد کردیا۔

بھارتی پولیس کے مطابق معروف ٹی وی اداکارہ  نے ممبئی کے پولیس اسٹیشن میں ’ایئرانڈیا‘ کے  اکشت سیٹھی  نامی پائلٹ کے خلاف ایک درخواست دائر کی ہے جس میں ان پر جنسی زیادتی، دھوکہ دہی اور قتل کی دھمکیوں کا الزام عائد کیا گیا ہے۔

پولیس نے معروف اداکارہ کی درخواست پر پائلٹ کے خلاف مقدمہ درج کرلیاہے جس میں دھوکہ دہی کی دفعات شامل کی گئی ہیں۔

پولیس حکام کا کہنا ہے کہ پائلٹ کا تعلق بھوپال سے ہے لیکن وہ ممبئی میں رہائش پذیر ہے ۔

پولیس حکام کے مطابق مقدمہ درج ہونے کے بعد پائلٹ کی گرفتاری کے لیے اس کے گھر پر چھاپے مارے گئے ہیں  لیکن وہ گھر پر موجود نہیں تھا اور اس کا موبائل فون بھی مسلسل بند آرہا ہے۔

درخواست گزار نے پولیس کے دیے گئے بیان میں مزید کہا کہ پائلٹ اکشت سیٹھی شادی کا وعدہ کرکے مکر گیا تھا اور اس دوران متعدد بار جنسی زیادہ کا نشانہ بناتا رہا ہے ۔

درخواست گزار نے الزام عائد کیا ہے کہ اکشت سیٹھی غیر فطری جنسی تعلقات بھی قائم کرنے پر مجبور کرتا رہا اور بعد ازاں قتل کی دھمکیاں بھی دیں۔

پولیس نے پائلٹ کے خلاف تحقیقات کا آغاز کردیا ہے اور اب تک یہ پتہ چلا ہے کہ اکشت سیٹھی کی متعدد گرل فرینڈز ہیں اور وہ اس سے قبل بھی 4 لڑکیوں کو شادی کا جھانسہ دے کر جنسی زیادتی کا نشانہ بناتا رہا ہے۔