معاشی نظام کو ڈیجیٹل کرنے کیلئے اقدامات جاری ہیں، صدر مملکت

عروبہ خان

01st Feb, 2021. 04:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معاشی نظام کو ڈیجیٹل کرنے کیلئے اقدامات جاری ہیں، صدر مملکت

صدر مملکت ڈاکٹر عارف علوی نے کہا ہے کہ پاکستان میں معاشی نظام کو بھرپور طریقے سے ڈیجیٹل کرنے کیلئے اقدامات جاری ہیں۔

تفصیلات کے مطابق صدر ڈاکٹر عارف علوی نے ایشیاء پیسفک ایڈوانسڈ نیٹ ورک اجلاس سے خطاب کے دوران کہا ہے کہ پاکستان نے انسانی سرمایہ کاری اور ٹیکنالوجی میں سرمایہ کاری کی دو جہتی حکمت عملی طے کی ہے ، جس کے لئے 2003 میں ٹیلی کمیونیکیشن سیکٹر کے لئے جامع لبرل پالیسی اختیار کی گئی ۔

ڈاکٹر عارف علوی کا کہنا تھا کہ پاکستان میں اس وقت 3 لاکھ سے زائد انگریزی بولنے والے آئی ٹی ماہرین ہیں جس کی وجہ سے زبان کاکوئی مسئلہ نہیں ہے۔ حکومت ا س شعبہ کی ماہرین کو مراعات دے رہی ہے جبکہ آئی ٹی کی سرمایہ کاری کے لئے 13 سافٹ ویئر ٹیکنالوجی پارک قائم کئے گئے ہیں۔

انہوں نے کہا کہ آئی ٹی گریجویٹس کی مانگ میں تیزی سے اضافہ ہو رہا ہے۔ ہائر ایجوکیشن کمیشن آئی ٹی سمیت تمام شعبوں کے گریجوایٹس کو تعلیم کی فراہمی کے مناسب مواقع فراہم کر رہا ہے۔

انہوں نے کہا کہ کوروناسے تعلیمی شعبہ متاثر ہوا ہے تاہم انفارمیشن ٹیکنالوجی کو اس عرصہ کے دوران فروغ ملا ہے، پاکستان کی ای کامرس ، ای ہیلتھ اور ای فنانسنگ کی راہ پر گامزن ہے۔