وفاقی وزیر دفاع پرویز خٹک نے کہا ہے کہ صرف سولہ گریڈ کے سرکاری ملازمین کی تنخواہوں میں اضافے کی بات ہوئی تھی لیکن اب بائیس گریڈ تک اضافے کا مطالبہ سامنے آگیا ہے۔

پرویز خٹک نے کہا ہے کہ حکومت پچیس فیصد  اضافے پر تیار ہیں لیکن ان کا مطالبہ چالیس فیصد کا ہے۔

انہوں نے کہا ہے کہ حکومت کی کچھ حدود ہیں جن کے اندر رہ کر ہی فیصلے کر سکتے ہیں تاہم اگلے بجٹ میں تنخواہ اور پنشن کمیشن کی سفارشات کو شامل کیا جائے گا۔

وفاقی وزیر نے کہا کہ ہم ان کے ساتھ دوبارہ بات چیت کرنے کے لئے تیار ہیں لیکن انہوں نے واضح کیا کہ ملک کی موجودہ معاشی صورتحال کو مدنظر رکھتے ہوئے کسی بھی طرح کا الاؤنس دیا جائے۔

انہوں نے بتایا ہے کہ پرسنٹیج کے علاوہ  تمام معاملات پر اتفاق ہو گیا تاہم حکومت اپنے طورپر سپیشل الاؤنس کے طورپر دینے کو تیار ہے۔

پرویز خٹک بولے کہ الاؤنسز کے معاملے پر اب صوبائی حکومتوں کے ملازمین بھی سامنے آگئے ہیں جس پر ہم نے کہا اٹھارہویں ترمیم کے بعد ہم صوبوں کے معاملات پر بات نہیں کرسکتے ہیں۔

تاہم وزیر داخلہ میاں شیخ رشید کا کہنا ہے کہ ملازمین کے احتجاج میں اگر سیاسی پارٹیاں ملوث ہوئیں تو ملازمین نقصان میں رہیں گے۔

انہوں نے کہا ہے کہ ہم افسران ان کے پیچھے تھے اور رہینگے، ہم صوبوں کو کہنے کیلئے تیار ہیں کہ ان کی بات سنیں اور ان کے ساتھ صوبوں میں جانے کو بھی تیار ہیں۔