پیپلز پارٹی کے رکن اسمبلی خورشید شاہ نے کہا ہے کہ حکومت جان بوجھ کر مسائل سے توجہ ہٹانے کیلئے آرٹیکل 149 کی بات کر رہی ہے۔

تفصیلات کے مطابق پیپلز پارٹی کے رکن اسمبلی خورشید شاہ نے قومی اسمبلی اجلاس میں خطاب کرتے ہوئے کہا کہ وزیرقانون کی آرٹیکل 149کی تشریح وفاق کے خلاف سازش ہےاوران کی باتوں سے کراچی میں تباہی پھیل جائے گی ۔

پیپلز پارٹی کے رکن اسمبلی کا کہنا تھا کہ کچرے پر سیاست کی جارہی ہے، ہم حکومت کے خلاف ضرور ہیں مگر پارلیمنٹ توڑنے کے بالکل حق میں نہیں ہیں، ہمارا لیڈر کہتا ہے کسی ایسی تحریک میں نہیں جاؤں گا جو پارلیمنٹ کو توڑے

خورشید شاہ کا یہ بھی کہنا تھا کہ پاکستان ایک گلدستہ ہے لیکن اس کو منتشر کون کررہا ہے،کراچی میں آپ کو سب قومیتیں ملیں گیں، لیکن 149 کا تذکرہ کیا جارہا ہے

خورشید شاہ نے کہا کہ اس وقت ایک لچر شخص ہندوستان کا حکمران ہے، کشمیر کی صورتحال سامنے ہےاور جب ذمہ دار لوگ اس وقت ایسی بات کرینگے تو صورتحال مزید تشویشناک ہوگی

پیپلز پارٹی کے رکن اسمبلی نی یہ بھی کہا کہ اگر تاریخ کا حوالہ دے تو پاکستان سب نے ملکر بنایا لیکن قرارداد صرف بنگال اور دوسرا سندھ میں منظور ہوئی۔

پیپلز پارٹی کے رکن اسمبلی خورشید شاہ نے مزید کہا کہ لیاقت علی خان نے سندھ اسمبلی میں پاکستان کا جھنڈا لہرایا، ہم سندھ والے مغرور ہیں کہ پاکستان ہم نے بنایا، آج ایک خطرناک بحث چھیڑ دی گئی ہے، کراچی میں پنجابی، سندھی، بلوچی، پٹھان سب بستے ہیں۔