پاکستانی نوجوان کوہ پیما اسد علی میمن نے افریقا کے سب سے بلند پہاڑ کلیمانجارو کو 20 گھنٹے میں سر کرنے کا کارنامہ انجام دے دیا۔

تفصیلات کے مطابق سندھ سے تعلق رکھنے والے پیما اسد علی میمن ایک دن میں یہ معرکہ سر کرنے والے پہلے ایشیائی بن گئے۔

مزید پڑھیں

وزیر اعظم سے وزیراعلیٰ پنجاب کی ملاقات

وزیر اعظم عمران خان سے لاہور میں وزیر اعلی پنجاب عثمان بزدار...

مہوش حیات نے اپنی خوبصورتی کا راز بتا دیا

پاکستان شوبز انڈسٹری کی تمغہ امتیاز حاصل کرنے والی خوبصورت اداکارہ مہوش...

اسد علی میمن نے برفانی اور برساتی موسم میں ایک دن میں 19 ہزار 340 فٹ بلند پہاڑ  کلیمانجارو  کی چوٹی سر کرنے کا کارنامہ انجام دیا۔

واضح رہے کہ ضلع لاڑکانہ سے تعلق رکھنے والے 23 سالہ اسد علی میمن اس سے قبل ارجنٹائن میں واقع جنوبی امریکا کی سب سے اونچی چوٹی ایکونکاگوا کو سر کر چکے ہیں۔

تاہم اسد میمن بدھ کی شب کراچی سے تنزانیہ روانہ ہوئے تھے، کورونا کے سبب دو یوم قرنطینہ میں رہنے کے بعد وہ ہفتے کو  اپنی مہم پر روانہ ہوئے۔

ایگلوف کے ریکارڈ کو توڑنے کے خواہش مند اسد علی میمن محدود وسائل اور جدید آلات کی  عدم موجودگی کے سبب ایسا نہ کر پائے لیکن  وہ 24 گھنٹوں میں چوٹی پر پہنچنے کی کوشش میں ضرور کامیابی پالی۔

تنزانیہ میں پاکستان کے سفارت خانے نے اسد میمن کے کامیاب مشن کی  تحریری طور پر تصدیق کرتے ہوئے اسے ملک کے لیے ایک بڑی کامیابی بھی قرار دیا ہے۔

اس سے قبل سوئزر لینڈ کے کوہ پیما کارل ایگلوف نے 6  گھنٹے 42 منٹ میں کلیمانجارو پر چڑھ کر عالمی ریکارڈ قائم کیا تھا۔

اسد علی نے مہم سے قبل چار ماہ کے دوران اپنی صلاحیت بڑھانے اور پھسلنے والی زمین پر چلنے  کی مشق کی تھی۔

 اسد میمن کو مارنگو روٹ سے شروعاتی نقطہ سے چوٹی تک 64 کلومیٹر کی دوری پر دوڑنا پڑا، اس دوران 15 کلومیٹر کے جنگل  سے بھی گزرے، پیدل سفر میں عام جوتے کے ساتھ پھسلن والی زمین پر بھی دوڑنے والے اسد میمن نے چوٹی پر پہنچ کر پاکستان کا قومی پرچم لہرایا۔