پاکستان کے جانبازوں اور شاہینوں نے 27 فروری کو دشمن کی خیالی برتری کا خواب چکنا چور کر دیا اور  ایسا سبق سکھایا جو ہمیشہ یاد رہے گا۔

تاریخ ستائیس فروری وہ دن ہے جب پاکستان کی آزاد فضاؤں کے محافظ شاہینوں‌ نے دلیری اور شجاعت کی ایک نئی تاریخ‌ رقم کی اور بھارت کو دنیا بھر میں‌ ذلت و رسوائی کا سامنا کرنا پڑا۔

آج کے روز دشمن کے دو جنگی طیارے پاکستان کی فضائی حدود میں‌ داخل ہوئے جنھیں ہمارے شاہینوں‌ نے مار گرایا۔

پاکستان کی فضائی حدود میں‌ گھسنے کی کوشش کرنے والے بھارتی فضائیہ کے دو جہاز پاک فضائیہ کے شاہینوں نے گرائے ۔

بھارتی فضائیہ کا ایک جہاز پاکستانی علاقے میں گرا جس کے پائلٹ بھارتی ونگ کمانڈر ابھی نندن کو مقامی افراد نے قابو کر لیا اور موقع پر پہنچنے والے پاک فوج کے دستوں نے دشمن کو عوام کے غیض و غضب سے بچایا جبکہ بھارت کا دوسرا جنگی طیارہ مقبوضہ کشمیر میں‌ گر کر تباہ ہو گیا تھا۔

بھارت کو دنیا کے آگے رسوا کرنے والے ابھی نندن کو ہوا بازی میں 16 سال کا تجربہ ہے، وہ بھارتی فضائیہ میں ونگ کمانڈر ہے، اس نے 2004 میں بھارتی فضائیہ میں کمیشن حاصل کیا۔

پاک فوج کے پیشہ وارانہ معیار اور اعلی اخلاقی قدروں کا خود دشمن پائلٹ ابھی نندن بھی معترف ہو گیا اور برملا اس کا اعتراف کیا۔ ٹی از فنٹاسٹک کا جملہ پاک فوج کے بہترین حسن سلوک کی علامت بن گیا۔

بعد ازاں جنگی قیدی پائلٹ ابھی نندن کو واپس کر کے پاکستان نے سفارتی محاذ پر بھی دشمن کو چاروں شانے چت کر دیا اس طرح ستائیس فروری 2019 کا معرکہ ہر لحاظ سے نریندر مودی کے لئیے ایک ڈرائونا خواب بن کر ہمیشہ ہمیشہ کے لئے تاریخ میں رقم ہو گیا۔