وزیراعظم عمران خان کی جانب سے پاکستان اور بھارت کے مابین ایل او سی پر جنگ بندی کے معاہدے کا خیرمقدم کیا گیا ہے۔

تفصیلات کے مطابق ٹوئٹر پر اپنے ایک پیغام میں وزیراعظم عمران خان نے ایل او سی جنگ بندی معاہدےکے حوالے سے بات کی ہے۔

اپنے پیغام میں وزیراعظم کا کہنا ہے کہ ایل او سی پر جنگ بندی معاہدے پر مزید پیشرفت کیلئے قابل ماحول بنانے کی ذمہ داری بھارت پر عائد ہوتی ہے۔

I welcome restoration of the ceasefire along the LOC. The onus of creating an enabling environment for further progress rests with India. India must take necessary steps to meet the long-standing demand & right of the Kashmiri people to self determination acc to UNSC resolutions.

Advertisement

— Imran Khan (@ImranKhanPTI) February 27, 2021

خیال رہے کہ اقوام متحدہ کے سکریٹری جنرل انتونیو گٹیرس نے متنازعہ کشمیر کے خطے میں لائن آف کنٹرول پر جنگ بندی کے مشاہدے کے لئے ہندوستان اور پاکستان کی عسکریت پسندوں کے مابین معاہدے کو “مثبت قدم” کے طور پر خیرمقدم کیا ہے۔

امریکی وزارت خارجہ کی جانب سے پاک بھارت کے جنگ بندی کے معاہدے کا خیر مقدم کیا گیا ہے۔

اس ضمن میں ترجمان وائٹ ہاؤس کا کہنا ہے کہ ایل او سی پر جنگ بندی سے متعلق پاکستان اور بھارت کے مشترکہ اعلامیہ کا خیرمقدم کرتے ہیں۔

یاد رہے کہ  پاکستان اور بھارت  کے درمیان کنٹرول لائن پر جنگ بندی معاہدے پر سختی سے عملدرآمد پر اتفاق کیا گیا ۔

کنٹرول لائن اور دیگر تمام سیکٹرز میں جنگ بندی کے معاہدوں اور مفاہمتوں پر سختی سے عمل پیرا ہونےکے عزم کا اعادہ کیا گیا۔

دونوں اطراف سے ہاٹ لائن رابطے قائم رکھنے پر بھی اتفاق کیا گیااور غیر متوقع صورتحال اور غلط فہمیوں کو بارڈر فلیگ میٹنگز کے ذریعے حل کرنے پر اتفاق کیا گیا ۔