الیکشن کمیشن نے علی حیدر گیلانی کی ویڈیو کا نوٹس لے لیا

وریشہ مسعود

02nd Mar, 2021. 09:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

الیکشن کمیشن نے علی حیدر گیلانی کی ویڈیو کا نوٹس لے لیا

الیکشن کمیشن کی ویجیلنس کمیٹی نے یوسف رضا گیلانی کے بیٹے علی حیدر گیلانی کی ویڈیو کا نوٹس لے لیا۔

تفصیلات کے مطابق علی حیدر گیلانی کی ووٹ خریداری کی ویڈیو کے معاملے پر الیکشن کمیشن ویجیلنس کمیٹی نے تحقیقات کرنے کا فیصلہ کرلیا ہے۔

ترجمان الیکشن کمیشن کا کہنا ہے کہ الیکشن کمیشن ویڈیو کے حوالے سے میرٹ پر فیصلہ کرے گاْ۔

ویجیلنس کمیٹی میں نیب، ایف آئی اے، ایف بی آر، نادرا اور نیب حکام شریک ہیں۔

خیال رہے کہ سینیٹ الیکشن میں پاکستان ڈیموکریٹک موؤمنٹ (پی ڈی ایم) کے مشترکہ امیدوار یوسف رضا گیلانی کے بیٹے کی ووٹ خریداری کی ویڈیو منظرعام پر آگئی۔

ویڈیو میں دیکھا جاسکتا ہے کہ یوسف رضا گیلانی کے صاحبزادےعلی حیدر گیلانی تحریک انصاف کے رکن اسمبلی سے ووٹ خریدنے کی بات کررہے ہیں۔

ویڈیو میں علی حیدر گیلانی تحریک انصاف کے رکن اسمبلی کو ووٹ ضائع کرنے کا طریقہ بتا رہے ہیں۔