ووٹ کی خرید و فروخت ، ایک اور صوبائی وزیر کی آڈیو سامنے آگئی

ویب ڈیسک

02nd Mar, 2021. 10:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ووٹ کی خرید و فروخت ، ایک اور صوبائی وزیر کی آڈیو سامنے آگئی

سینیٹ الیکشن کے سلسلے میں اراکین اسمبلی کی خرید و فروخت پر ناصر حسین شاہ کی آڈیو بھی سامنے آگئی۔

تفصیلات کے مطابق صوبائی وزیر اطلاعات ناصر حسین شاہ کی مبینہ کال کی آڈیو بھی سامنے آگئی، مبینہ آڈیو میں علی حیدر گیلانی نے فون پر پی ٹی آئی اراکین سے ناصر حسین شاہ کی بات کروائی۔

آڈیو سے یہ بھی معلوم ہو جاتا ہے کہ پیپلز پارٹی سینیٹ کے لیے ووٹ مانگ رہی ہے یا خرید رہی ہے جبکہ ناصر شاہ نے پیسے بڑھوانے کی بات بھی کی۔

دوسری جانب صوبائی وزیر اطلاعات ناصر حسین شاہ نے مبینہ آڈیو کی تردید کردی۔

ناصر حسین شاہ نے کہا کہ آڈیو کلپ میں میری آواز نہیں نہ میری کسی سے بات ہوئی، گیلانی صاحب آڈیو کے بارے میں بتاسکتے ہیں۔

صوبائی وزیر اطلاعات ناصر حسین شاہ نے مزید کہا کہ پیپلز پارٹی خریدو فروخت میں ملوث نہیں ہے جبکہ سندھ میں ہمارے 15 سے 16ارکان زیادہ ہیں۔

خیال رہے کہ سینیٹ الیکشن میں پاکستان ڈیموکریٹک موؤمنٹ (پی ڈی ایم) کے مشترکہ امیدوار یوسف رضا گیلانی کے بیٹے کی ووٹ خریداری کی ویڈیو منظرعام پر آگئی۔

ویڈیو میں دیکھا جاسکتا ہے کہ یوسف رضا گیلانی کے صاحبزادےعلی حیدر گیلانی تحریک انصاف کے رکن اسمبلی سے ووٹ خریدنے کی بات کررہے ہیں۔

ویڈیو میں علی حیدر گیلانی تحریک انصاف کے رکن اسمبلی کو ووٹ ضائع کرنے کا طریقہ بتا رہے ہیں۔