یوسف رضاگیلانی کی کامیابی جمہوریت کی کامیابی ہے، ناصر شاہ

وریشہ مسعود

03rd Mar, 2021. 11:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یوسف رضاگیلانی کی کامیابی جمہوریت کی کامیابی ہے، ناصر شاہ

وزیراطلاعات سندھ سید ناصر حسین شاہ نے کہا ہے کہ یوسف رضاگیلانی کی کامیابی جمہوریت کی کامیابی ہے۔

تفصیلات کے مطابق وزیراطلاعات سندھ سید ناصر حسین شاہ نے اپنے ایک اہم بیان میں کہا کہ پوری قوم کوحق کی فتح مبارک ہو، پی ڈی ایم جماعتوں پر قومی اسمبلی اراکین کا اعتماد سلیکٹڈ کے خلاف عدم اعتماد ہے۔

سید ناصر حسین شاہ نے کہا کہ ہم پہلے ہی کہہ چکے تھے کہ اب شاید لانگ مارچ بھی نہ کرنا پڑے کیونکہ عوام سلیکٹڈ حکمرانوں سے تنگ ہیں لہذا خان صاحب کوجلد گھر جانا چاہیے۔

وزیراطلاعات سندھ نے یہ بھی کہا کہ وقت کی دیوار پر لکھی تحریر سلیکٹڈ پڑھ لیں معیشت تباہ کرکے ملک کوستر سال پیچھے دھکیلنے والوں کی اب ملک میں کوئی جگہ نہیں۔

سید ناصر حسین شاہ کا کہنا تھا کہ کوشش کی گئی کہ دھاندلی سے کام چلا کر حفیظ شیخ کو کامیاب کروایا جائے لیکن پی ڈی ایم جماعتوں کی عظیم جدوجہد سے یوسف رضاگیلانی کامیاب ہوئے۔

وزیراطلاعات سندھ سید ناصر حسین شاہ کا مزید کہنا تھا کہ سابق صدرآصف علی زرداری اور چیئرمین بلاول بھٹو زرداری کی قیادت میں جلد حقیقی جمہوریت بحال کریں گے۔