آرمی چیف جنرل قمر جاوید باجوہ نے کہا ہے کہ پاکستان کے جرمنی کے ساتھ گہرے روابط ہیں۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ سے جرمن سفیر کی ملاقات ہوئی جس میں خطےکی مجموعی صورتحال پر بات چیت کی گئی جبکہ دو طرفہ دفاعی تعاون کے فروغ، افغان امن عمل سے متعلق امور پر بھی بات چیت کی گئی۔

آئی ایس پی آر کا کہنا ہے کہ ملاقات میں جرمن سفیر نے خطے کے امن و استحکام کے لیے پاکستان کی کوششوں کو تسلیم کیا۔

آئی ایس پی آر کا یہ بھی کہنا ہے کہ ملاقات کے دوران آرمی چیف جنرل قمر جاوید باجوہ نے ستمبر 2020 میں پاک جرمنی اسٹریٹیجک مذاکرات کے پانچویں راؤنڈ کے انعقاد کو سراہا۔

آرمی چیف جنرل قمر جاوید باجوہ نے جرمن سفیر سے گفتگو کرتے ہوئے کہا کہ پاکستان کے جرمنی کے ساتھ گہرے روابط ہیں۔

واضح رہے اس سے قبل وزیراعظم عمران خان اور آرمی چیف جنرل قمر جاوید باجوہ کی بھی ملاقات ہوئی تھی۔

ذرائع کے مطابق ملاقات میں ملکی داخلی و خارجی صورتحال کا جائزہ لیا گیا جبکہ پاک فوج کے پیشہ وارانہ امور پر بھی گفتگو کی گئی۔

ملاقات میں ڈی جی آئی ایس آئی فیض حمید بھی شریک تھے۔