انسانی ہمدردی مشن، پاک بحریہ کا جہاز افریقی ملک پہنچ گیا

وریشہ مسعود

04th Mar, 2021. 07:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انسانی ہمدردی مشن، پاک بحریہ کا جہاز افریقی ملک پہنچ گیا

پاک بحریہ کا جہاز انسانی ہمدردی مشن پر افریقی ملک بینن پہنچ گیا۔

پاک فوج کے شعبہ تعلقات عامہ (آئی ایس پی آر) کے مطابق پاک بحریہ کا جہاز پی این ایس نَصر انسانی ہمدردی کے مشن پر جبوتی اور سوڈان سے ہوتا ہوا مغربی افریقی ملک بینن پہنچ گیا۔

آئی ایس پی آر کا کہنا ہے کہ بینن کی بندرگاہ کوٹونو آمد پر نائجر میں تعینات پاکستانی سفیر نے مقامی حکام کے ہمراہ پاک بحریہ کے جہاز کا استقبال کیا۔

آئی ایس پی آر کا یہ بھی کہنا ہے کہ پاک بحریہ کی جانب سے بینن اور ملحقہ ملک نائجر کے قدرتی آفات سے متاثرہ عوام کو اشیائے خورد و نوش پر مشتمل امدادی سامان کی فراہمی کی گئی۔

آئی ایس پی آر کا کہنا ہے کہ مشن کمانڈر نے دونوں ممالک کے اعلٰی سول و عسکری حکام سے ملاقاتیں کی اور ان ملاقاتوں کے دوران باہمی دلچسپی کے امور اور دو طرفہ تعاون پر تبادلہ خیال کیا گیا۔

آئی ایس پی آر کا یہ بھی کہنا ہے کہ مشن کمانڈر نے حکومت اور امیرالبحر کی جانب سے دونوں ممالک کے عوام کیلئے خیر سگالی کا پیغام بھی پہنچایا جبکہ میزبان حکام نے امدادی سامان کی فراہمی پر حکومت پاکستان اور پاک بحریہ کا شکریہ ادا کیا۔

آئی ایس پی آر کا مزید کہنا ہے کہ پی این ایس نَصر کی جانب سے منعقدہ عشایئے میں دونوں ممالک کے اعلی حکام، سفارتی اور مقامی شخصیات نے شرکت کی۔