واٹس ایپ کی ڈیسک ٹاپ ایپ میں وائس اور ویڈیو کالز کے فیچر کا اضافہ

اریبہ نثار

05th Mar, 2021. 07:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

واٹس ایپ کی ڈیسک ٹاپ ایپ میں وائس اور ویڈیو کالز کے فیچر کا اضافہ

واٹس ایپ نے ڈیسک ٹاپ صارفین کے لیے نئی سہولت متعارف کرادی جس کے تحت اب ڈیسک ٹاپ سے واٹس ایپ آڈیو اور ویڈیو کال کی جا سکے گی۔

واٹس ایپ کی جانب سے جاری اعلامیے میں کہا گیا ہے کہ اب ڈیسک ٹاپ پر صارفین محفوظ اور آسان طریقے سے ایک دوسرے کے ساتھ وائس اور ویڈیو کالنگ کرسکتے ہیں۔

مزید پڑھیں

واٹس ایپ میں بڑی تبدیلی

واٹس ایپ نے طویل عرصے بعد چیٹ ونڈو میں ایک بڑی تبدیلی...

یہ فیچر ون آن ون کال تک محدود ہوگا تاہم فیس بک کی زیرملکیت ایپ کی جانب سے جلد اس میں گروپ کالز کا اضافہ بھی کیا جائے گا۔

واٹس ایپ کے مطابق تین چار ماہ تک اس عمل کو آزمائش سے گزارا گیا ہے، اس کے تمام نقائص دور کرکے دیگر آپشن کو بہتر بنایا گیا ہے اور اب یہ سہولت بتدریج پوری دنیا کے لیے پیش کردی گئی ہے۔

واٹس ایپ کمپنی کا کہنا ہے کہ صارفین کی دلچسپی کو بڑھانے کے لیے ہم مختلف اقدامات کررہے ہیں تاکہ اُن کی چیٹ کو محفوظ بنایا جائے اور دنیا بھر میں رابطوں کے لیے آسانی پیدا کی جاسکے۔

کمپنی کا یہ بھی کہنا ہے کہ ڈیسک ٹاپ کالز پورٹریٹ اور لینڈ اسکیپ دونوں موڈز پر کام کریں گی جبکہ ڈیسک ٹاپ ایپ میں کال کا آپشن ایک ری سائز ایبل اسٹنڈ آلون ونڈو میں ہوگا، جو ٹاپ پر ہوگی تاکہ اوپن ونڈوز میں گم نہ ہوجائے۔