پاکستان ٹیم کے عالمی شہرت یافتہ اسٹار فاسٹ بولر شاہین شاہ آفریدی نے  سابق آل راؤنڈر شاہد آفریدی کی بیٹی سے منگنی کرلی۔

تفصیلات کے مطابق خود کو شاہد آفریدی کا فین کہنے والے عدنان  شنواری نامی ایک سوشل میڈیا صارف نے ٹوئیٹ کی جس میں انہوں شاہین شاہ آفریدی کو شاہد آفریدی کی بیٹی کے ساتھ منگنی ہونے پر مبارکباد پیش کی۔

عدنان شنواری نے مزید لکھا کہ باقاعدہ اعلان اور منگنی کی باقاعدہ  رسم چند روز بعد کراچی میں ہوگی۔

I stand by my story & it's accurate. Any way those ghali brigate who is abusing show his parental guide. I like Lala & die hard fan of him. I didnt post some thing divorce related. It's d happy moment being a fan of them & engagement news. Why it's been shocking news 4 someone ?

Advertisement

— Adnan Shinwari (@ShinwariAdnan) March 6, 2021

انہوں نے اپنی ٹوئیٹ میں شاہین شاہ آفریدی اور شاہد آفریدی کو بھی ٹیگ کیا۔

ان کی اس ٹوئیٹ سے سوشل میڈیا پر طوفان آگیا اور صارفین کی جانب سے اس خبر کی تصدیق سے متعلق پوچھا جانے لگا۔

بعض صارفین نے اسے جھوٹی خبر قرار دیتے ہوئے عدنان شنواری کو تنقید کا نشانہ بھی بنایا۔

جس کے بعد عدنان شنواری نے ایک اور ٹوئیٹ کی جس میں انہوں نے کہا میں اپنی خبر پہ اب بھی قائم ہوں۔

ذرائع کے مطابق شاہین شاہ آفریدی کے والد ایاز خان کا کہنا ہے کہ شاہین آفریدی کیلئے شاہدآفریدی کی بیٹی کا رشتہ مانگا ہے اور ان کے خاندان نے رشتہ دینے پر رضامندی بھی ظاہر کردی ہے۔

انہوں نے مزید کہا کہ شاہد آفریدی کی بیٹی کے ساتھ منگنی کی رسم جلد طے پا جائے گی جبکہ شاہد آفریدی کے خاندان سے دیرینہ تعلقات ہیں۔

واضح رہے کہ اس خبر کے حوالے سے شاہد آفریدی کی جانب سے تردید یا تصدیق نہیں کی گئی  ہے۔