وزیراعلیٰ پنجاب کی معاون خصوصی برائے اطلاعات فردوس عاشق اعوان نے کہا ہے کہ خواتین کو اپنی صلاحیتوں کے اظہار کے مواقع فراہم کریں گے۔

تفصیلات کے مطابق معاون خصوصی وزیر اعلی پنجاب برائے اطلاعات پنجاب ڈاکٹر فردوس عاشق اعوان نے سیالکوٹ میں میڈیا کے نمائندگان سے خطاب کرتے ہوئے کہا کہ 8 مارچ خواتین کا عالمن دن ہے، خواتین کے عالمی دن پر وزیر اعظم کی قیادت میں ایک نئے ماحول ,نئے حالات کو دیکھتے ہوئے حکمت عملی تشکیل دی جارہی ہے۔

وزیراعلی پنجاب کی معاون خصوصی برائے اطلاعات نے کہا کہ حکومت پنجاب وویمن فرینڈیلی قوانین کے اطلاق کیلئے اقدامات کئے جبکہ عثمان بزدار نے وویمن امپاورمنٹ ایکٹ کے تحت خواتین کو بااختیار بنانے کیلئے بھی اقدامات کئے ہیں۔

فردوس عاشق اعوان نے یہ بھی کہا کہ ہماری عورت سماجی و ثقافتی کی اقدار کی محافظ ہے جبکہ اقبال کا نظریہ ماں کی گود اور خوداری تک نسلوں کو پروان چڑھاتا ہے۔

وزیراعلی پنجاب کی معاون خصوصی برائے اطلاعات کا کہنا تھا کہ وزیر اعظم پاکستان خواتین کے حقوق کی فراہمی کو یقینی بنانا چاہتے ہیں جبکہ خواتین کے آئینی اور قانونی حق کی فراہمی کو یقینی بنارہے ہیں، خواتین کو اپنی صلاحیتوں کے اظہار کے مواقع فراہم کریں گے۔

فردوس عاشق اعوان کا یہ بھی کہنا تھا کہ دیہی علاقوں میں گیس کی فراہمی اولین ترجیح ہے، گیس کی سہولت عورتوں کی زندگی میں بہتری کا موجب بنتی ہیں۔

وزیراعلی پنجاب کی معاون خصوصی برائے اطلاعات نے کہا کہ پی ٹی آئی نے اراکین نے پارلیمنٹ میں عمران خان پر اعتماد کا اظہار کیا ہے اور عمران خان کی یہ کامیابی اپوزیشن کو ایک آنکھ نہیں بھا رہی ہے۔

فردوس عاشق اعوان نے یہ بھی کہا کہ ن لیگ کے اراکین تذبذب کا شکار ہے جبکہ نادان اپوزیشن کے ڈی انفارمیشن سیل سوشل میڈیا پر انتشار پھیلا رہا ہے۔

وزیراعلی پنجاب کی معاون خصوصی برائے اطلاعات کا کہنا تھا کہ افسوس ناک واقع ہے، یہ سیاسی کلچرل میں عدم برداشت کا عکاس ہے جبکہ سیاسی و نظریاتی اختلافات مختلف ہونے کا مطلب یہ نہیں ہمارے کسی کارکن اخلاقی حد عبور کرے۔

فردوس عاشق اعوان کا یہ بھی کہنا تھا کہ جعلی راجکماری اپنے والد اور بھائیوں کو باہر بٹھا کر قوم کے بچوں کو آپس میں دست گریبان کروانے پر اتر آئی ہے۔

وزیر اعلیٰ پنجاب کی معاون خصوصی برائے اطلاعات فردوس عاشق اعوان کا مزید کہنا تھا کہ سیاسی اختلافات کو سیاست کی جگہ پر رکھ کر ایک دوسرے کے افکار اور جذبات کا احترام کریں۔