افغانستان : فوجی چیک پوسٹ پر طالبان کا حملہ، 7 اہلکار جاں بحق

وریشہ مسعود

08th Mar, 2021. 05:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

افغانستان : فوجی چیک پوسٹ پر طالبان کا حملہ، 7 اہلکار جاں بحق

افغانستان میں فوجی پوسٹ پر مسلح افراد نے دھاوا بول دیا جس کے باعث 7 اہلکار جاں بحق اور متعدد زخمی ہوگئے۔

تفصیلات کے مطابق افغانستان کے صوبے بلخ میں فوجی چیک پوسٹ پر طالبان جنگجوؤں نے حملہ کردیا، حملہ اتنا اچانک تھا کہ فوجی اہلکاروں کو سنبھلنے کا موقع نہیں مل سکا تاہم فوجی اہلکاروں کی جانب سے بھی مزاحمت دکھائی گئی۔

ذرائع کا کہنا ہے کہ دو طرفہ جھڑپ ایک گھنٹے تک جاری رہی جس کے دوران 7 افغان فوجی اہلکار جاں بحق جبکہ 10 سے زائد زخمی ہوئے۔

ذرائع کا مزید کہنا ہے کہ حملہ آور کارروائی کے بعد سرکاری اسلحہ اور افغان فوج کی گاڑی بھی اپنے ہمراہ لے گئے۔

صوبے بلخ کے گورنر کے ترجمان نے اپنے بیان میں کہا ہے کہ فوجی اہلکاروں نے طالبان حملہ آور کے خلاف سخت مزاحمت دکھائی، جوابی کارروائی میں 5 جنگجو مارے گئے جن میں طالبان کا ضلع چہار بولاک کا خودساختہ ڈپٹی گورنر بھی شامل ہے۔