شہباز شریف کو جیل میں ڈال کر سچ کی آواز دبانے کی کوشش کی جارہی ہے، شاہد خاقان عباسی

عروبہ خان

10th Mar, 2021. 11:58 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہباز شریف کو جیل میں ڈال کر سچ کی آواز دبانے کی کوشش کی جارہی ہے، شاہد خاقان عباسی

پاکستان مسلم لیگ ن کے رہنما شاہد خاقان عباسی نے کہا ہے کہ شہباز شریف پر جھوٹے کیس بنانے کی کوشش کی گئی اور ان کو جیل میں ڈال کر سچ کی آواز دبانے کی کوشش کی جارہی ہے۔

تفصیلات کے مطابق شاہد خاقان عباسی نے میڈیا سے گفتگو کرتے ہوئے کہا ہے کہ یہ بدقسمتی ہے کہ 10 سال ملک کی خدمت کرنے والا اپوزیشن لیڈر اڑھائی سالوں سے جیل میں ہے اور اسے جیل سے عدالتوں میں لانے اور ہتک کرنے کے لئے کیس ڈھونڈے جاتے ہیں۔

شاہد خاقان عباسی نے کہا ہے کہ نواز شریف اور رانا ثنااللہ کیسز کو دیکھ لیں، آپ کو انصاف کے جعلی نظام کی سمجھ آجائے گی لیکن اب یہ معاملہ نہیں چلے گا، عمران خان کو اسکا جواب دینا ہے۔

انہوں نے کہا ہے کہ اس دور میں سب سے زیادہ کرپشن ہوئی لیکن تمام عدالتیں اور ادارے خاموش ہیں۔