مسلم لیگ ن کے رہنما خواجہ سعد رفیق نے کہا کہ حکومت نے 14ماہ میں قومی معیشت کوحکومت کی نالائقی نے کچرا کنڈی میں تبدیل کر دیا ہے۔

تفصیلات کے مطابق مسلم لیگ ن کے رہنما خواجہ سعد رفیق کی میڈیا سے گفتگو کرتے ہوئے کہا کہ اپوزیشن کو بات کرنے نہیں دیتے،کیا ہمارا حق نہیں ہم اسمبلی میں اپنے حلقوں کی نمائندگی کریں ۔

خواجہ سعد رفیق نے کہا کہ چولہے ٹھنڈے ہوگئے ہیں مہنگائی عروج پر ہے،ملک کی خاطر جان دینے والوں کو یہ صلہ مل رہاہے،کیا یہ ہے نیا پاکستان؟

 مسلم لیگ ن کے رہنما نے یہ بھی کہا کہ سیاسی مخالفین نے جیلیں بھرنے اورمیڈیا کا گلہ گھوٹنے والے ملک چلانے میں ناکام ہو چکے ہیں۔

خواجہ سعد رفیق کا کہنا تھا کہ بھارت کشمیریوں اور ہمارے حکمران سیاسی مخالفین پر حملہ آور ہیں، قوم کو دشمن اور مسائل سےمقابلہ کرنے کےلئےمتحد کرنے کے بجائےتقسیم کیاجارہاہے۔

مسلم لیگ ن کے رہنما نے کہا کہ پی آئی اے ،ریلوے ،این ایچ ے سمیت بیشتر قومی ادارے سونامی کی زد میں ہیں، نئے ٹیکس ناقابل برداشت،وصولی ناکام اورعوام کا جیناحرام ہے۔

خواجہ سعد رفیق نے یہ بھی کہا کہ نئے ٹیکس ناقابل برداشت،وصولی ناکام اورعوام کا جیناحرام ہے، قومی معیشت ڈوب رہی ہےقوم مہنگائی اور بے روزگاری کی آگ میں جل رہی ہے۔

مسلم لیگ ن کے رہنما خواجہ سعد رفیق کا مزید کہنا تھا کہ تبدیلی کے نام پر تباہی مسلط کی گئی،حکومت کارپوریٹ مافیا کے گھیرے میں ہے، نمائندہ سیاسی قوتیں، انصاف اور قومی سلامتی کے ذمہ دارملک بچانے کےلئےاپنا کردار ادا کریں۔