فواد چودھری جیسے افراد ہمیشہ چور دروازہ کی تلاش میں رہتے ہیں،مرتضی وہاب

ویب ڈیسک

18th Sep, 2019. 08:52 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فواد چودھری جیسے افراد ہمیشہ چور دروازہ کی تلاش میں رہتے ہیں،مرتضی وہاب

بیرسٹر مرتضی وہاب کا کہنا ہے کہفواد چودھری جیسے افراد ہمیشہ چور دروازہ کی تلاش میں رہتے ہیں۔

سندھ حکومت کے ترجمان مشیر قانون، ماحولیات و ساحلی ترقی بیرسٹر مرتضی وہاب نے فواد چوہدری کے بیان پر ردعمل کا اظہار کرتے ہوئے کہا کہ فواد چوہدری جیسے لوٹے کا وفاقی وزیر ہونا اس ملک کی بدقسمتی ہے۔

ترجمان سندھ حکومت مرتضی وہاب نے کہاکہ اطلاعات کا قلمدان چھن جانے سے فواد چوہدری حواس باختہ ہیں، فواد چوہدری جیسے افراد ہمیشہ چور دروازہ کی تلاش میں رہتے ہیں۔

مرتضی وہاب نے کہا کہ فواد چوہدری کا ماضی سندھ حکومت کی تعریفوں سے بھرا پڑا ہے، یہ آج عمران خان کے تو کل کسی اور کے گُن گائیں گے۔

اُن کا کہنا ہے کہ سندھ حکومت آئینی اور اسے عوام کی طاقت حاصل ہے۔ وزیراعلیٰ سندھ پر تنقید کرکے فواد چودھری اپنا بونا قد بڑھانے کی ناکام کوشش کررہے ہیں۔

انہوں نے مزید کہا کہ سندھ حکومت کو گرانے کا آپکا خواب کبھی پورا نہیں ہوگا۔