پاکستان بین المذاہب اور ثفافتی ہم آہنگی کے فروغ کے لیے پر عزم ہے، شاہ محمود قریشی

عروبہ خان

15th Mar, 2021. 04:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان بین المذاہب اور ثفافتی ہم آہنگی کے فروغ کے لیے پر عزم ہے، شاہ محمود قریشی

وزیر خارجہ شاہ محمود قریشی نے کہا ہے کہ پاکستان بین المذاہب اور ثفافتی ہم آہنگی کے فروغ کے لیے پر عزم ہے۔

وزیر خارجہ شاہ محمود قریشی نے کہا ہے کہ عالمی سطح پر اسلاموفوبیا کے بڑھتے ہوئے رجحان کو روکنے اور بین المذاہب ہم آہنگی کے فروغ کے حوالے سے وزیر اعظم عمران خان نے کھل کر آواز اٹھائی ہے۔

وزیر خارجہ کا کہنا تھا کہ پندرہ مارچ کے دن کو عالمی سطح پر منانے کے حوالے سے بھی او آئی سی کاوشیں بروئے کار لا رہی ہے اور او آئی سی کی جانب سے 15 مارچ کے دن کی حمایت اربوں مسلمانوں کے جذبات کی ترجمانی ہے۔

وزیر خارجہ نے بتایا کہ اسلام و فوبیا کے بڑھتے ہوئے رجحان کے باعث دنیا بھر میں مسلم اقلیتیوں پر منفی اثرات مرتب ہو رہے ہیں اور اس حوالے سے او آئی سی گروپ کے زیر اہتمام 17 مارچ کو نیویارک میں اعلیٰ سطحی اجلاس منعقد ہو گا۔

انہوں نے کہا ہے کہ پاکستان نے ہمیشہ بین الاقوامی سطح پر ثقافتوں اور تہذیبوں کے مابین اختلافات کے خاتمے اور بین المذاہب ہم آہنگی کیلئے کی جانے والی عالمی کوششوں کی حمایت کی ہے۔