پیپلز پارٹی کی رہنما سینیٹر شیری رحمان نے کہا ہے کہ عدالت فریال تالپور کے خلاف اس فیصلے پر نظر ثانی کرے۔
تفصیلات کے مطابق پیپلز پارٹی کی رہنما سینیٹر شیری رحمان نے اپنے ایک بیان مِں کہا کہ کتے کے کاٹنے کی وجہ سے فریال تالپور کی رکنیت کینسل کرنے کا حکم قابل تشویش ہے۔
پیپلز پارٹی کی رہنما نے کہا کہ کتے کے کاٹنے کا تعلق اسیمبلی ارکان سے جوڑنے پر افسوس ہوا، کیا وزیراعظم کے حلقے میں ایسے واقعات ہونے پر ان کو معطل کرنے کا حکم ہوگا؟
سینیٹر شیری رحمان نے یہ بھی کہا کہ پارلیمان کے تقدس کا خیال کیاجائے،کوئی رکن اسمبلی نہیں چاہتا اس کے حلقے میں ایسے واقعات ہوں۔
پیپلز پارٹی کی رہنما سینیٹر شیری رحمان نے مزید کہا کہ2020 میں پنجاب کے 90 ہزار لوگ کتے کے کاٹنے کا شکار ہوئے لیکن کسی نے مطالبہ نہیں کیا کہ وزیراعلی پنجاب یا رکن پنجاب اسیمبلی کی رکنیت معطل کی جائے لہذا عدالت فریال تالپور کے خلاف اس فیصلے پر نظر ثانی کرے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
