قیادت میسر ہو تو قوم کے اتحاد سے ناممکن بھی ممکن ہوجاتا ہے، حمزہ شہباز

عروبہ خان

23rd Mar, 2021. 01:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قیادت میسر ہو تو قوم کے اتحاد سے ناممکن بھی ممکن ہوجاتا ہے، حمزہ شہباز

پاکستان مسلم لیگ (ن) کے نائب صدر اور پنجاب اسمبلی میں قائد حزب اختلاف حمزہ شہباز نے کہا ہے کہ 23 مارچ کا دن ہمیں بتاتا ہے کہ اہل قیادت میسر ہو تو قوم کے اتحاد سے ناممکن بھی ممکن ہوجاتا ہے۔

تفصیلات کے مطابق پاکستان مسلم لیگ (ن) کے نائب صدر اور پنجاب اسمبلی میں قائد حزب اختلاف حمزہ شہباز نے یوم پاکستان پر پیغام جاری کیا ہے۔

حمزہ شہباز نے کہا ہے کہ اس دن کے موقع پر عہد کرتے ہیں کہ محمد نوازشریف کی قیادت میں قیام پاکستان کے مقاصد کو حاصل کرکے رہیں گے۔

حمزہ شہباز نے کہا ہے کہ قائد نوازشریف اور شہباز شریف کی قیادت میں پاکستان کو جدید ترقی یافتہ، خوش حال اور غربت سے پاک ملک بنائیں گے۔

انہوں نے کہا ہے کہ ایک جدید، فلاحی، اسلامی، خوشحال مملکت کے قیام کا مقصد حاصل کرنے کے لئے اسلاف کی سوچ اور نظریات کو اپنانا ہوگا۔

انہوں نے مزید کہا ہے کہ مسلم لیگ ن پاکستان کے نظریہ، آئین ، قانون اور پارلیمان کی بالادستی کے بابائے قوم کے مشن کو آگے بڑھائے گی۔