پاکستان مسلم لیگ (ن) پنجاب کے صدر رانا ثناءاللہ خان نے کہا کہ مسلم لیگ (ن) اور پی ڈی ایم کے کارکنان کی ہمت، جرات اور استقامت تاریخ میں سنہری حروف سے لکھی جائے گی۔

تفصیلات کے مطابق پاکستان مسلم لیگ (ن) پنجاب کے صدر رانا ثناءاللہ خان نے اپنے بیان میں کہا کہ عوام، پارٹی کارکنان اور پی ڈی ایم اتحاد کا شکریہ ادا کرتے ہیں کہ عوام اور سیاسی کارکنان کے اتحاد نے ثابت کیا کہ وہ پانسہ پلٹنے کی قوت رکھتے ہیں۔

رانا ثناءاللہ نے کہا کہ  انشااللہ عوام کی طاقت اور جزبہ سے اِن جعلی ووٹ ، آٹا ، چینی ، بجلی ، گیس ، دوائی چوروں کو گھر بھیجیں گے۔

پنجاب کے صدر رانا ثناءاللہ خان نے ہ بھی کہا کہ پی ڈی ایم اور (ن) لیگ نے فیصلہ کیا ہے کہ ظلم کے ہر ہتھکنڈے کا جواب دیا جائے گا اور ہم ان کا شکریہ اداکرتے ہوئے ان کے جذبوں کو سلام پیش کرتے ہیں۔

رانا ثناءاللہ کا کہنا تھا کہ مریم نوازشریف کے ساتھ یکجہتی کرنے پر تہہ دل سے سب کا شکریہ ادا کرتا ہوں جبکہ نیب کی پریس ریلیزکے پیش نظر کل (جمعہ) کے لئے ترتیب یکجہتی کا پروگرام ختم کیاجاتا ہے۔

پاکستان مسلم لیگ (ن) پنجاب کے صدر رانا ثناءاللہ خان نے مزید کہا کہ آپ سے قیادت کے ساتھ اظہارِ یکجہتی پر ہم سب کو فخر ہےاور  سب دوستوں سے گزارش ہے کہ وہ اپنے گھروں، علاقوں کو واپس لوٹ جائیں۔