پاکستان پیپلز پارٹی کے چیئرمین بلاول بھٹو زرداری نے کہا ہے کہ شہید میر مرتضیٰ بھٹو نے آمر ضیاء کے خلاف جدوجہد کی شروعات کی۔

چیئرمین پی پی پی بلاول بھٹو کا اپنے ماموں میر مرتضی بھٹو زرداری کو انکی 23 ویں برسی پرخراج تحسین کرتے ہوئے کہا کہ میر مرتضی کو آمریت کے خلاف جدوجہد کہ پاداش میں آمرانہ قوتوں کے ہاتھوں شدید تکالیف کا سامنا کرنا پڑا۔

بلاول بھٹو زرداری کا کہنا تھا کہ میر مرتضی کی ایام جوانی میں ہی عدلیہ اور آمر نے ایک گھنائونی سازش سے ان کے والد شہید بھٹو کو پھانسی دی کر شہید کر دیا گیا جبکہ میر مرتضیٰ بھٹو اور ان کے چھوٹے بھائی شہید شاہنواز بھٹو کو جلاوطن ہونے پر مجبور کیا گیا۔

پاکستان پیپلز پارٹی کے چیئرمین کا یہ بھی کہنا تھا کہ میراورشاہنواز  جہاں بھی جاتے ان کا تعاقب کیا جاتا اور بالاخر آمر اور اس کے حواریوں کے ہاتھوں شہید ہوگئے، مرتضیٰ بھٹو کو “ایک بھٹو کو نشانہ بنانے کے لیئے دوسرے بھٹو کو نشانہ بناوَ” کے گہنائونے منصوبے کے تحت شہید کیا گیا۔

بلاول بھٹوزرداری نے کہا کہ میر کا قتل ، بینظیر کی حکومت ختم اور صدر آصف علی زرداری کے خلاف جھوٹے مقدمات قائم کئے گئے اور ہم شہید ذوالفقارعلی بھٹو کی تیسری نسل ہیں،جن کو آمر ضیاء کی باقیات ایک لبمی منظم سازش کے تحت نشانہ بنا رہی ہے۔

پاکستان پیپلز پارٹی کے چیئرمین بلاول بھٹو زردارینے مزید کہا کہ پیپلز پارٹی پاکستانی عوام کے جمہوری و انسانی حقوق کے لیئے بلاخوف و خطر جدوجہد کرتی رہے گی ، ہمیں شہید میر مرتضیٰ بھٹو بہاری اور جمہوری جدوجہد کی علامت کے طور پر ہمیشہ یاد رہیں گے