پی ٹی آئی رہنما شہریار آفریدی نے کہا ہے کہ پی ڈی ایم والے اپنے ذاتی مفادات کیلئےکچھ بھی کرسکتے ہیں۔

تفصیلات کے مطابق پی ٹی آئی رہنما شہریار آفریدی نے بول نیوز کے پروگرام نیشنل ڈیبیٹ میں گفتگو کرتے ہوئے کہا کہ پی ڈی ایم غیر فطری اتحاد، مفادات کی جنگ تھی، قوم کو گمراہ کرنےکوشش کرنے والے خود بےنقاب ہوگئے۔

شہریار آفریدی نے کہا کہ نیب قوانین میں ترمیم،اپوزیشن نےفیٹف پراپنامفادسامنےرکھا، دوتہائی اکثریت ملنے کے بعد اداروں میں اصلاحات نظرآئیں گی۔

پی ٹی آئی رہنما نے یہ بھی کہا کہ راناثنااللہ کی گاڑی سےمنشیات برآمد ہوئی تھی، ثبوت موجود ہیں ٹرائل شروع ہونے پر منشیات سے متعلق ثبوت دوں گا۔

شہریار آفریدی کا کہنا تھا کہ جس گاڑی میں منشیات لائی گئی راناثنااللہ کے وکلا نے اسے تسلیم کیا اور اگر راناثنااللہ بےگناہ ہیں توٹرائل سےکیوں بھاگ رہےہیں؟

پی ٹی آئی رہنما کا یہ بھی کہنا تھا کہ سینیٹ الیکشن میں پولنگ بوتھ پر عملے نے مجھےکوئی ہدایت نہیں دی تھی، عملے سےکہا اسٹیمپ نہیں، پیپر پر دستخط کرنا ہے یانشان لگانا ہے لیکن پریزائڈنگ افسر نےمیری بات کاجواب نہیں دیا۔

شہریار آفریدی نے کہا کہ مولانا فضل الرحمان کشمیر کمیٹی کے چیئرمین رہے لیکن کچھ نہیں کیا، نریندر مودی کشمیریوں پرظلم کرکے بےنقاب ہوگیا، بھارت ڈیموگرافک تبدیلی ودیگر قانون سازی سےظلم کررہا ہے۔

پی ٹی آئی رہنما شہریار آفریدی نے مزید کہا کہ عمران خان کے پاس کابینہ میں ردوبدل کا اختیار ہے ، میں عمران خان کے پاس کسی عہدےکیلئے نہیں آیا، عمران خان وزارت سے ہٹائیں مجھے فرق نہیں پڑتا۔