لاس اینجلس میں طیارہ گرکرتباہ

محمد طیب

20th Sep, 2019. 02:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاس اینجلس میں طیارہ گرکرتباہ

Small Plane crash in Los Angeles killed 1

امریکا میں ایک چھوٹا طیارہ شاپنگ سینٹرکی چھت پرگرکرتباہ ہوگیا جس کے نتیجے میں پائلٹ ہلاک اورایک مسافرزخمی ہوگیا۔

بین الاقوامی خبررساں ادارے کے مطابق لاس اینجلس میں ایک انجن والا چھوٹا طیارہ کیسنا 177 نے ٹورینس میونسپل ایئرپورٹ سے پرواز بھری تھی تاہم کچھ دیر بعد فضا میں ہچکولے کھانے لگا اور تیزی سے نیچے آتے ہوئے ایک شاپنگ سینٹر کے چھت پرآ گرا۔

طیارہ شاپنگ سینٹر کی چھت پر گر کر مکمل طور پرتباہ ہوگیا اور طیارے میں آگ بھڑک اُٹھی۔ طیارے میں صرف دو افراد سوار تھے جن میں سے ایک ہلاک اور دوسرا زخمی ہوگیا۔ ہلاک اور زخمی ہونے والے آدمی کو قریبی اسپتال منتقل کردیا گیا ہے۔

طیارے کے چھت پر گرنے سے شاپنگ سینٹر میں موجود افراد کو کوئی نقصان نہیں پہنچا تاہم بھگڈر مچ گئی اور لوگوں میں خوف و ہراس پھیل گیا۔

حکام کا کہنا ہے کہ طیارہ گرنے کی تحقیقات کے لیے انکوائری کمیٹی تشکیل دے دی گئی ہے۔

واضح رہے کہ اس سے قبل بھی امریکی ریاست جارجیا میں چھوٹا طیارہ گرکرتباہ ہوگیا تھا جس کے نتیجے میں پائلٹ ہلاک ہوگیا تھا۔