سیاچن بارڈر پر اسکاوٹس غیر معمولی بہادری کا مظاہرہ کر رہے ہیں، شیخ رشید

عروبہ خان

02nd Apr, 2021. 02:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سیاچن بارڈر پر اسکاوٹس غیر معمولی بہادری کا مظاہرہ کر رہے ہیں، شیخ رشید

وزیر داخلہ شیخ رشید نے 2 روزہ دورہ گلگت بلتستان کے دوران گلگت بلتستان اسکاوٹس ہیڈکوارٹرز کا دورہ کیا ہے۔

گلگت بلتستان اسکاوٹس ہیڈکوارٹرز آمد پر وزیر داخلہ کو سلامی پیش کی گئی جبکہ وزیر داخلہ نے یاد گار شہداء پر پھول بھی چڑھائے۔

وزیر داخلہ شیخ رشید احمد کو جی بی اسکاوٹس کے متعلق بریفنگ بھی دی گئی۔

وزیر داخلہ نے جی بی اسکاوٹس کی گلگت بلتستان کے حوالے سے خدمات کو سراہتے ہوئے کہا کہ سیاچن بارڈر پر اسکاوٹس غیر معمولی بہادری کا مظاہرہ کر رہے ہیں۔

شیخ رشید نے کہا کہ گلگت بلتستان میں امن و امان کے حوالے سے جی بی اسکاوٹس کا کردار قابل تحسین ہے۔

شیخ رشید احمد نے کہا کہ گلگت بلتستان پاکستان کی ترقی میں بنیادی کردار ادا کررہا ہے اور جلد ہی دیامیر بھاشا ڈیم مکمل ہونے سے پاکستان کے پانی اور توانائی کے مسائل ختم ہوجائیں گے۔

اس موقع پر انہوں نے بتایا ہے کہ گلگت بلتستان کو پاکستان کے قومی دھارے میں شامل کررہے ہیں۔